Қызылордада заманауи Қан орталығы ел игілігіне табысталмақ

448055074 762100429444537 5798328783615768198 n

Медицина қызметкерлері күні қарсаңында сол жағалаудағы жаңа Қан орталығы пайдалануға беріліп, медицина ұйымдарына 50 санитарлық автокөлік табысталады, деп хабарлайды «Азаттық-Ньюс» Ақпараттық агенттігі.

Премьер-министр Олжас Бектеновтің төрағалығымен өткен Үкімет отырысында Мемлекет басшысының тапсырмасына сәйкес әзірленген «Денсаулық сақтау инфрақұрылымын дамытудың 2024-2030 жылдарға арналған тұжырымдамасы» қаралды. Ұзақ мерзімді тұжырымдамаға жаңа нысандар салу, ескірген ғимараттарды қайта жаңғырту, заманауи медициналық құрылғылармен жабдықтау мәселелері енгізілген.

Үкімет отырысынан кейінгі арнайы мәжілісте облыс әкімі Нұрлыбек Нәлібаев денсаулық сақтау саласының инфрақұрылымын жетілдіруде қолға алынған, жоспарланған жұмыстарға тоқталды.

«Қазір аймақта тұрғындардың медициналық қызметке қолжетімділігін арттыру, сала инфрақұрылымын жетілдіру кешенді жүргізілуде. Өткен жылы «Ауылдық денсаулық сақтауды жаңғырту» ұлттық жобасы аясында елді мекендерде 15 жаңа дәрігерлік амбулатория, 1 медициналық бекет пайдалануға берілді. Қалған 11 нысанның құрылысы жыл соңына дейін аяқталып, ел игілігіне табысталады. Жақын күндері ұлттық жоба аясында Шиелі ауданында 30 төсектік инфекциялық бөлімше құрылысы басталады. Барлық елді мекендердегі денсаулық сақтау ұйымдарына 200 санитарлық автокөлік алынуда. Осы кезге дейін облыстық Қан орталығының жеке ғимараты болмаған. Медицина қызметкерлері күні қарсаңында сол жағалаудағы жаңа Қан орталығын пайдалануға беріп, медицина ұйымдарына 50 санитарлық автокөлік табыстаймыз», – деді аймақ басшысы.

Нұрлыбек Машбекұлы жауапты мекеме басшыларына құрылысы қолға алынған, қайта жаңғыртудан, күрделі жөндеуден өтетін нысандардағы жұмыс сапасы мен мерзімін қатаң бақылауды тапсырды. Нысандар ең алдымен халыққа ыңғайлы, жайлы болуы тиіс. Мұнан бөлек, облыстық денсаулық сақтау басқармасының басшысына жаңадан пайдалануға берілетін мекемелерді заманауи, қажетті құрылғылармен толық қамтамасыз ету тапсырылды.

Еске салсақ, «Ауыл – ел бесігі» бағдарламасы шеңберінде Қызылорда қаласының Досан ауылында жаңа медициналық бекет, Баймұрат батыр ауылында жаңа дәрігерлік амбулатория пайдалануға берілді. Көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Жергілікті бюджет есебінен Жаңақорған ауданының Төменарық ауылында дәрігерлік амбулаториясымен қоса 15 төсектік ауылдық аурухана құрылысы жүргізілуде. Облыс орталығында бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы қарқын алды. Биыл 3 млрд. 800 млн. теңгеге 8 медициналық нысанға күрделі жөндеу жүргізіліп, 5 нысанның жылу жүйесі газға ауыстырылады. Сондай-ақ, өткен жылы облыстың денсаулық сақтау ұйымдарына 513 млн. теңгеге 25 жаңа санитарлық автокөлік берілді.

Бөлісу:

Добавить комментарий

Ваш адрес email не будет опубликован. Обязательные поля помечены *

Өткізіп алмаңыз

Президент қазақстандықтарды Ұлттық домбыра күнімен құттықтады

Президент қазақстандықтарды Ұлттық домбыра күнімен құттықтады Президент Қасым-Жомарт Тоқаев Ұлттық домбыра күніне орай Х парақшасында құттықтау жариялады, деп хабарлайды "Азаттық-Ньюс" Ақпараттық агенттігі."Ұлттық домбыра күні құтты болсын! Бұл мерекенің қазақ руханияты…

«Қазақтарды қалай басқару керек?» кітабы жарық көрді

«Қазақтарды қалай басқару керек?» кітабы жарық көрді Алматыдағы  дәмханалардың бірінде AmalBooks баспасының негізін қалаушы Бақытжан Бұхарбай БАҚ өкілдерімен кездесіп, «Қазақтарды қалай басқару керек?» кітабының таныстырылымын өткізді, деп хабарлайды "Азаттық-Ньюс" Ақпараттық…

Сыр өңірінде инновациялық шығармашылық орталығының құрылысы басталмақ

Сыр өңірінде инновациялық шығармашылық орталығының құрылысы басталмақ Облыс әкімі Нұрлыбек Нәлібаев «BI GROUP» LTD компаниясы директорлар кеңесінің мүшесі Бауыржан Исабаевпен кездесіп, өңірде салынатын инновациялық шығармашылық орталығының құрылыс жұмыстарын талқылады, деп…

Qurban2024.kz: Құрбандықты онлайн шалуға болады

Qurban2024.kz: Құрбандықты онлайн шалуға болады Қазақстан мұсылмандары діни басқармасы Құрбан шалу рәсімін қашықтан өткізуге болатынын мәлімдеді, деп хабарлайды «Азаттық-Ньюс» Ақпараттық агенттігі.Басқарма qurban2024.kz сайты арқылы қазақстандықтар қашықтықтан құрбан шала алатынын жеткізді.…

Ауа райы
19°C
Кызылорда
переменная облачность
19° _ 19°
82%
3 km/h
Пн
23 °C
Вт
32 °C
Ср
32 °C
Чт
31 °C
Пт
29 °C

Әлеуметтік желілер

Қызылордада заманауи Қан орталығы ел игілігіне табысталмақ