Сырдария ауданында төтенше жағдайлар кезінде халықтың қауіпсіздігін қамтамасыз ету бағытындағы жұмыстар жүйелі түрде жалғасуда. Осы мақсатта жергілікті тұрғындарға арналған ең қарапайым жасырын паналардың тізбесін өзектендіру үшін арнайы жұмысшы тобы құрылып, Тереңөзек кенті аумағындағы көпқабатты тұрғын үйлер мен әлеуметтік нысандардың өжірелеріне зерделеу жұмыстарын жүргізді.
Аталған іс-шараның негізгі мақсаты – азаматтық қорғау саласындағы дайындық деңгейін арттыру, төтенше жағдайлар орын алған жағдайда тұрғындарды уақытша паналатуға болатын орындардың жай-күйін анықтап, оларды қолданысқа әзірлеу. Қазіргі таңда халықтың қауіпсіздігін қамтамасыз ету мәселесі мемлекеттік саясаттың басым бағыттарының бірі болып табылады. Осыған орай, аудан көлемінде қарапайым қорғаныс құрылыстарының тізімін нақтылау және олардың техникалық жағдайын бағалау жұмыстары кезең-кезеңімен жүзеге асырылуда.
Арнайы жұмысшы топ Тереңөзек кентіндегі көпқабатты жеке тұрғын үйлердің жертөлелері мен өжірелерін, сондай-ақ білім беру, денсаулық сақтау және өзге де әлеуметтік маңызы бар нысандардың қорғаныс мақсатында пайдалануға болатын үй-жайларын аралап көрді. Зерделеу барысында нысандардың санитарлық-техникалық жағдайы, кіру және шығу жолдарының қолжетімділігі, желдету жүйесінің болуы, жарықтандырылуы, тазалығы және төтенше жағдай кезінде адамдарды орналастыру мүмкіндігі жан-жақты қаралды.
Жұмыс барысында анықталған кемшіліктер бойынша тиісті ұсыныстар беріліп, нысан иелері мен жауапты мекемелерге оларды қысқа мерзім ішінде қалпына келтіру және талапқа сәйкестендіру жөнінде түсіндіру жұмыстары жүргізілді. Сонымен қатар, қарапайым жасырын паналарды дайындау кезінде қауіпсіздік талаптарын сақтау, олардың үнемі таза әрі қолжетімді болуын қамтамасыз ету қажеттігі атап өтілді.
Мұндай жұмыстар тұрғындардың төтенше жағдайларға дайындық деңгейін арттырумен қатар, азаматтық қорғау жүйесінің тиімділігін нығайтуға мүмкіндік береді. Қарапайым жасырын паналар табиғи және техногендік сипаттағы төтенше жағдайлар кезінде халықты уақытша қорғауға арналған маңызды нысандардың бірі болып саналады. Сондықтан олардың нақты тізбесін жасақтап, материалдық-техникалық жағдайын үнемі бақылауда ұстау – жауапты органдардың басты міндеттерінің бірі.
Сырдария ауданында жүргізіліп жатқан бұл жұмыстар алдағы уақытта да жалғасын тауып, аудан аумағындағы барлық елді мекендерде қарапайым жасырын паналардың жай-күйін зерделеу, оларды талапқа сай жабдықтау және халық арасында түсіндіру жұмыстарын жүргізу жоспарлануда. Бұл – төтенше жағдайлар кезінде тұрғындардың өмірі мен денсаулығын қорғауға бағытталған маңызды әрі қажетті шаралардың бірі.
Халықтың қауіпсіздігі – ортақ міндет. Осы бағыттағы жүйелі жұмыстар азаматтық қорғау саласындағы дайындықты арттырып, кез келген төтенше жағдай кезінде тұрғындардың қауіпсіздігін қамтамасыз етуге өз үлесін қоспақ.
Бұл мақаламен бөлісу
Пікір қалдыру
Пікір қалдыру