Қани Медетбаев Қазалы ауданына қарасты №3 ауылда қарапайым шаруа отбасында дүниеге келген. Соғыс өрті тұтанған шақта ол Қазалы қаласындағы ауыл шаруашылығы техникумында білім алып жүрген жас еді. Алайда ел басына түскен ауыртпалық оны да қатардан қалдырмады. Барша ер-азаматтар секілді ол да Отан қорғау жолына аттанды.
1942 жылдың 1 қаңтарында әскери комиссариаттан шақырту алған жас жігіт туған-туысымен қимай қоштасып, майданға жол тартты. Ташкент қаласында бір айлық әскери дайындықтан өткен соң, ақпан айында Мәскеу бағытына жөнелтілді. Бұл кезде Мәскеу түбінде жаумен кескілескен қанды шайқастар жүріп жатқан еді.
Ауылда өскен өрімдей қазақ жастары бірден сұрапыл соғыстың ортасына түсіп, өлім мен өмір арпалысқан ауыр күндерді бастан кешті. Қани да сол жерде соғыстың шынайы бейнесін алғаш рет көзімен көрді.
Майдан даласында ел үшін жанын қиған әрбір жауынгер құрметке лайық. Олардың ерлігін ұлықтау – кейінгі ұрпақтың бойына отансүйгіштік рухты сіңірудің бір жолы. Осы мақсатта 2016 жылы Қызылорда облысы, Қазалы ауданында өткен ономастикалық комиссия шешімімен Әйтеке би кентіндегі бір көшеге Қани Медетбаевтың есімі берілді.
Соғыстан аман оралған Қани шаңырақ көтеріп, жары Орынбасармен бірге үлкен әулеттің іргесін қалады. Олар бес ұл, бес қыз тәрбиелеп өсірді. Орынбасар ана «Батыр Ана» атағына ие болды. Бүгінде олардың ұрпақтары еліміздің түкпір-түкпірінде еңбек етіп, тәуелсіз Қазақстанның дамуына өз үлестерін қосып келеді. Батыр атаның артында 26 немере, 63 шөбере, 2 шөпшек өсіп-өнді.
Отбасында ата-әжесінің өмір жолы кейінгі буынға үлгі ретінде үнемі айтылып отырады. Қани Медетбаев соғыстан кейін Қазалыдағы әскерилендірілген күзет мекемесінде ширек ғасырға жуық адал қызмет атқарды. Соғыста алған жарақаты салдарынан ІІ топ мүгедектігіне байланысты 1971 жылы зейнетке шықты. Алайда денсаулығы сыр беріп, бірнеше жылдан соң ауыр науқастан дүниеден өтті.
Берлинде Жеңісті қарсы алған ардагердің ұрпақтары Жеңіс күнін жыл сайын ерекше құрметпен қарсы алады. Оның кенже ұлы, дәрігер Әділбай Медетбаев әкесін былай деп еске алады:
«Әкем соғыс туралы көп айта бермейтін. Тек “соғыстың бетін әрі қылсын, енді ондай зұлмат болмасын” деп қысқа қайыратын. Өте сабырлы, салмақты жан еді».
Қани үш ағайынды болған: әпкесі Нұржамал, ағасы Молдағали және өзі. Ағасы Молдағали да соғыс басталған жылы майданға аттанып, Жеңісті Берлинде қарсы алған. Кейін Польша мен Алматы қалаларында әскери қызмет атқарып, 1955 жылы туған жеріне оралды. Ағайындар араға жылдар салып қайта қауышып, өмірлерінің соңына дейін туған өлкеде бірге өмір сүрді.
Бүгінде олардың ұрпақтары өсіп-өніп, бір қауым елге айналды. Ел игілігі жолында еңбек етіп жүр. Алайда сол сұрапыл соғысты көзімен көрген ардагерлер қатары сиреп бара жатқаны өкінішті.
Сондықтан бүгінгі ұрпақ үшін олардың ерлігін ұмытпай, тағзым ету – азаматтық парыз.

Сообщение Отан үшін от кешкен Қани Медетбаев появились сначала на Азаттық ньюс.

Әскери бөлімнің жеке құрамымен әңгімелесу кезінде Бас Прокурор «Заң мен Тәртіп» қағидатын сақтаудың маңыздылығына тоқталды. Оның айтуынша, бұл ұстаным Ұлттық ұлан қызметінде нақты көрініс тауып келеді. Себебі әскери қызметшілер қоғамдық қауіпсіздікті қамтамасыз етіп, азаматтардың тыныштығын күзетуде жоғары дайындық пен кәсібилік танытуда.
Сонымен қатар әскери қызметтің жастарды тәртіпке, жауапкершілікке және төзімділікке баулитыны, әрі олардың болашақ кәсіби дамуына жол ашатыны сөз болды. Ұландықтардың төтенше жағдайларда адамдарға көмек көрсетіп, түрлі қауіптің алдын алуда әрдайым алдыңғы қатардан табылатыны ерекше атап өтілді.
Мысал ретінде биыл Ұлттық ұланның 3660 әскери бөлімінің сарбаздары үйлеріне қайтып бара жатқан сәтте өрт шыққан жерден тұрғындарды эвакуациялап, жиырмаға жуық адамды, оның ішінде балаларды, қарттарды және мүмкіндігі шектеулі азаматтарды құтқарып қалған оқиға айтылды.
Кездесу аясында қонақтарға әскери бөлімде қолданылып жатқан заманауи технологиялар таныстырылды. Олардың қатарында жасанды интеллект элементтері енгізілген бейнебақылау жүйелері мен әскери қызметшілер және олардың жақындарына арналған «Жедел желі» қызметі бар. Сондай-ақ әскери техника мен қару-жарақ үлгілері көрсетілді.
Бұдан бөлек, прокуратура органдарының ардагерлері Ұлттық ұланның Орталық мұражайын аралап, әскердің қалыптасу тарихымен, әскери қызметшілердің жетістіктерімен және қызмет жағдайларымен танысты.
Іс-шара соңында құқық бұзушылықтардың алдын алу ісінде белсенділік танытқан әскери қызметшілер Бас Прокурордың марапатына ие болды. Кездесу естелік суретке түсумен және сарбаз ботқасынан дәм татумен аяқталды.

Сообщение Бас Прокурор Ұлттық ұлан сарбаздарымен кездесті. появились сначала на Азаттық ньюс.

Аймақ басшысы жиналған жұртшылықты 23 сәуір – Ұлттық кітап күнімен, кітапханашылардың кәсіби мерекесімен және жаңа кітапхана құрылысының басталуымен құттықтады.

«Өздеріңізге белгілі, Мемлекет басшымыз өткен жылы аймағымызға жұмыс сапарымен келгенде Астана мен Алматы қалаларындағыдай тәулік бойы қызмет көрсететін үшінші Президенттік кітапхананың Қызылорда қаласында ашылатынын жеткізген болатын. Жерлестеріміз бұл бастаманы зор қуанышпен қабылдады.
Бүгін Өздеріңізбен бірге аймағымыз үшін маңызды жобалардың бірі – білім мен мәдениеттің алтын діңгегіне айналатын Президенттік кітапхананың капсуласын салу рәсімінде бас қостық.
Маңызды жобаны жүзеге асыруға демеушілік көрсеткен елімізге белгілі кәсіпкер-меценат Огай Эдуард Викторовичке барша Сыр жұртшылығының атынан шынайы алғысымды,
зор ризашылығымды білдіремін.
Демеушілікпен 20 млрд. теңгеге салынатын, аумағы
13 мың шаршы метр, сәулетті, жаңа кітапхана заманауи талаптарға сай болады. Ғимаратта оқу, конференц, басылым, архив пен сирек қорға арналған залдар, электрондық кітапхана, әлем әдебиеті бөлімі мен өнер галереялары, көрме, коворкинг орталықтары, қалпына келтіру шеберханасы қарастырылған.
Бұл – халықтың рухани дамуына, кітап оқу мәдениетін жаңа деңгейге көтеруге бағытталған Президентіміздің қолдауы.
Жаңа нысан тек кітаптар жиналған жер емес, ұлтымыздың тарихын, мәдениеті мен өркениетін дәріптейтін, жерлестеріміздің рухани тынысын ашатын тәрбие мен тағылым үйі болмақ! Жаңа кітапхананың құрылысы сәтті аяқталып, ел игілігіне қызмет етіп, ұлт руханияты мен білімінің өркендеуіне үлес қосуына тілектеспін», – деді Нұрлыбек Машбекұлы.

Рәсімде Эдуард Викторович, Қазақстан Жазушылар және Журналистер одағының мүшесі Шәкизада Әбдікәрімов сөз сөйледі.

Айта кету керек, 2022 жылдан бері өңірде 22 мәдениет нысаны жаңадан салынып, ел игілігіне берілді. Барлық ауданда «Руханият орталықтары» ашылды. Облыстың бас шаһарында «Өнер орталығы», «Анаға тағзым», «Отбасы орталығы», «Оқушылар сарайы» бой көтерді.

Былтыр Қызылорданың астана болғанына 100 жыл толуына орай облыстық тарихи-өлкетану музейінің, Ассамблеяның 30 жылдығына орай «Қазатомөнеркәсіп» компаниясының қолдауымен «Достық үйінің» жаңа ғимараты салынды.

Кейінгі жылдары «Сыр жұлдыздары» академиясы, Жалағаш, Жаңақорған, Шиелі аудандарында «Өнер мектебі» мен «Оқушылар үйі» іске қосылды.

Сообщение ҚЫЗЫЛОРДАДА ЕЛІМІЗДЕГІ ҮШІНШІ ПРЕЗИДЕНТТІК КІТАПХАНАНЫҢ ІРГЕТАСЫ ҚАЛАНДЫ появились сначала на Азаттық ньюс.

Өңірдегі тарихи-мәдени ескерткіштер, киелі орындар мен көпшілік зират ететін барлық аумақтарға көркейту-көгалдандыру жұмыстары ұйымдастырылды. Сонымен қатар, ағаш отырғызу, қоршауларды ретке келтіру, жолдарды тазалау және жөндеу секілді жұмыстар да жүргізілді.

Сауабы мол игі шараға барша облыс тұрғындарымен қатар мәслихат депутаттары, ардагерлер, зиялы қауым өкілдері, мемлекеттік мекеме қызметкерлері, ассамблея, қоғамдық ұйымдардың мүшелері және жастар белсене қатысты.

Президентіміз «Таза Қазақстан дегеніміз – қоршаған ортаны таза ұстау ғана емес. Әрине, ол да маңызды. Сонымен бірге, бұл – ой-сана тазалығы деген сөз. Жан-дүниесі таза адам қайырымды, мейірімді болады», – деп, жалпыұлттық бағдарлама айналған бастаманың мәнін ашып берді.

Киелі орындарды зират етудің бұрыннан қалыптасқан ережелері бар. Оның ең негізгісі тазалықпен байланысты. «Өлі разы болмай, тірі байымайды» деген даналық өткенге құрмет көрсетудің маңызын ұғындырады.

Халқымыздың дүниетанымында қорымдар тек жерлеу орны ғана емес, дүниеден өткендерге құрмет көрсететін, ата-баба рухына тағзым ететін қасиетті жер. Сондықтан кесенелердің, қорымдардың тазалығына, қараусыз қалмауына ерекше мән беріледі.

Осындай тағылымды бастамалар арқылы қоғамда тазалыққа деген жауапкершілік артып, ұлттық құндылықтарымызға құрмет нығая түседі.

Айта кету керек, облыста 72 нысан киелі орындар тізбесіне енгізілген. Қасиетті кесенелерге жергілікті бюджеттен және демеушілердің қолдауымен реставрациялық, жөндеу жұмыстарын жүргізіп, келушілерге ыңғайлы әрі қолжетімді ету мақсатында инфрақұрылымдары жақсартылды.
Акция аясында аймақтағы 200-ге жуық қасиетті орындар мен зираттардың аумағын тазалау жұмыстарына 20 мыңнан аса тұрғындар белсенді қатысты.
Бұл бағыттағы игі істер алдағы уақытта да жалғасын табатын болады.

Сообщение CЫР ӨҢІРІНДЕ «ТАҒЗЫМ ОРНЫ ТАЗА БОЛСЫН,РУХ ПЕН ТАЗАЛЫҚ – ЕГІЗ ҰҒЫМ» АТТЫЖАЛПЫХАЛЫҚТЫҚ ТАЗАЛЫҚ АКЦИЯСЫ ӨТТІ появились сначала на Азаттық ньюс.

Сондай-ақ қызмет барысында жоғары нәтижелер көрсетіп, өз міндеттерін үлгілі атқарған бірқатар қызметкерлерге де марапаттар табысталды. Бұл – полиция қатарындағы кәсібилік пен адал еңбекті ынталандырудың айқын көрінісі.
Жиын кезінде жеке құрамға қаруды қолданудың құқықтық негіздері, оны пайдалану тәртібі және қауіпсіздік талаптары кеңінен түсіндірілді. Саптық бөлімше командирлеріне қоғамдық тәртіпті сақтау мен тұрғындардың қауіпсіздігін қамтамасыз ету бойынша нақты тапсырмалар жүктелді.

Салтанатты жиын соңында жеке құрам саптық жүріспен өтіп, қоғамдық тәртіп пен қауіпсіздікті қамтамасыз ету бойынша күнделікті қызметіне кірісті.
Құқық қорғау органдары өкілдерінің айтуынша, тұрғындардың тыныштығы мен қауіпсіздігін сақтау – полиция қызметінің басты міндеті болып қала береді.

Сообщение Қызылорда полициясы күшейтілген режимге көшті появились сначала на Азаттық ньюс.

Сообщение ШИЕЛІ АУДАНЫНЫҢ БЕСТАМ АУЫЛЫНДА 150 ОРЫНДЫҚ КЛУБ АШЫЛДЫ появились сначала на Азаттық ньюс.

Кеште шаһар басшысы Нұржан Сәбитұлы Мемлекет басшысының Қызылорда облысына жасаған жұмыс сапарындағы іс-шараларды ұйымдастыруға және «Таза Қазақстан» республикалық экологиялық акциясына белсенді атсалысқан азаматтарға облыс әкімі Нұрлыбек Нәлібаевтың алғысын жеткізді.

«Өткен аптада Мемлекет басшысы Қасым-Жомарт Кемелұлы өңірімізге жұмыс сапарымен келіп, ел игілігіне бағытталған ірі инвестициялық, инфрақұрылымдық және өндірістік жобалардың жүзеге асырылу барысымен танысты. Ел Президенті облыс әкімі Нұрлыбек Машбекұлының аймақтың әлеуметтік-экономикалық дамуы мен мәдени-рухани өрлеуінің мол мүмкіндігін ашқан қажырлы қызметіне, Сыр еліндегі байыпты бастамаларға жоғары бағасын берді. Облыстың жарқын болашағына сенім білдірді.
Өз кезегінде аймақ басшысы да Қызылорда облысының өсіп-өркендеуіне, халқымыздың әл-ауқатының артуына атсалысқан, ортақ іске жұмыла білген азаматтарды лайықты бағалайды. Бұл еңбекке деген мәртебелі құрмет.
Бүгінгі арнайы шарада Нұрлыбек Машбекұлы Сіздерге ыстық ықыласын арнап, облыстың ең жоғары марапаты – «Құрмет грамоталары» мен алғыс хаттарын табыстауды тапсырды», – деді Нұржан Сәбитұлы.

Салтанатты кеште түрлі салада еселі еңбек етіп жүрген, Мемлекет басшысының жұмыс сапарындағы іс-шаралардың жоғары деңгейде өтуіне атсалысқан және республикалық «Таза Қазақстан» экологиялық бағдарламасында белсенділік көрсеткен майталман мамандарды марапаттап, құрмет төріне шығарды.

Дайындалған концерттік бағдарламада әннен шашу шашылып, көптің көңілі көтерілді.

Айта кету керек, соңғы жылдары аймақ басшысының қолдауымен және тың бастамаларымен Сыр шаһары қарқынды дамыды. Қала бюджеті еселеп артып, халыққа ең қажетті әлеуметтік нысандар бой түзеді. Тұрғын үй кезегіндегі отбасылар баспана бақытына кенеліп, инфрақұрылымдық жобалар сәтті жүзеге асты.

Республикалық «Таза Қазақстан» экологиялық бағдарламасы бойынша Қызылорда — еліміздегі ең таза қалалардың көшін бастады. Дәстүрге берік, үлгісі озық қызылордалықтар жасампаз ісімен жарқын жолынан жаңылмайды.

Сообщение МАЙТАЛМАН МАМАНДАР МАРАПАТ МІНБЕРІНДЕ появились сначала на Азаттық ньюс.

Сырдария ауданында елге еңбегі сіңген тұлға, ауданның «Құрметті азаматы» Есенов Расул Әбутәліпұлының есімін ұлықтауға арналған қазақ күресінен республикалық турнир өз бастауын алды. Дәстүрлі жарыс 2010–2011 жылы туған жасөспірімдер арасында ұйымдастырылып отыр.

Турнир 2025 жылдың 31 қазаны мен 2 қараша аралығында Тереңөзек кентіндегі спорт кешенінде өтуде. Жарыс Қазақстан Республикасының Туризм және спорт министрлігі Спорт және дене шынықтыру істері комитеті мен «Qazaq kuresi» қауымдастығы бекіткен ресми ережелерге сәйкес өткізіліп жатыр.

Салтанатты ашылу рәсіміне Сырдария ауданының әкімі Сәрменбаев Берік Әбдіғаппарұлы қатысып, спортшылар мен жаттықтырушыларды жарыстың басталуымен құттықтады. Өз сөзінде аудан басшысы Расул Әбутәліпұлының өңірдің әлеуметтік-экономикалық дамуына қосқан зор үлесін атап өтіп, турнирдің жастарды спортқа баулуда және ұлттық рухты көтеруде маңызды рөл атқаратынын ерекше айтты.

Биылғы додаға еліміздің түрлі аймақтарынан келген жас балуандар қатысып, өз аймақтарының намысын қорғауда. Белдесулер 38, 42, 46, 50, 55, 60, 65, 70, 75 және +75 келі салмақ дәрежелерінде өтуде.

Жарыстың алғашқы күнінен-ақ тартысты белдесулер мен қызықты сәттерге толы сайыстар көрермен көңілінен шығып, командалар арасында жоғары деңгейдегі дайындық байқалды. Ұйымдастырушылардың айтуынша, турнирдің басты мақсаты – ұлттық спорт түрін дамыту, жасөспірімдер арасында салауатты өмір салтын насихаттау және қазақ күресін кеңінен дәріптеу.

Турнир қорытындысы бойынша жеңімпаздар мен жүлдегерлер медальдармен, дипломдармен және арнайы кубоктармен марапатталатын болады.

Сообщение СЫРДАРИЯДА РАСУЛ ӘБУТӘЛІПҰЛЫН ЕСКЕ АЛУҒА АРНАЛҒАН РЕСПУБЛИКАЛЫҚ ТУРНИР БАСТАЛДЫ появились сначала на Азаттық ньюс.

Салтанатты жиынға аудан әкімі Берік Әбдіғаппарұлы Сәрменбаев, ауылдың ардагерлері мен құрметті азаматтары, зиялы қауым өкілдері, сондай-ақ ауданның түкпір-түкпірінен келген қонақтар қатысты.

Іс-шараның ашылуында сөз сөйлеген аудан әкімі ауыл тұрғындарын мерейтоймен құттықтап, елді мекеннің дамуына зор үлес қосқан азаматтарға алғысын білдірді. Өз сөзінде аудан басшысы ауылдың өткен тарихы мен бүгінгі жетістіктерін атап өтіп:

«Сәкен Сейфуллин ауылы – еңбек пен бірліктің символы. Ел іргесін бекемдеп, ұрпағына өнеге қалдырған аға буынның еңбегі ұмытылмайды. Ал бүгінгі ұрпақ сол жолды лайықты жалғастырып келеді», – деді.

Мерекелік жиын барысында ауылдың өркендеуіне үлес қосқан азаматтарға аудан әкімінің Алғыс хаттары мен естелік сыйлықтар табыс етілді.

Тарихы тереңде жатқан ауыл

Сәкен Сейфуллин ауылының тамыры тереңде. Елді мекеннің алғашқы негізі өткен ғасырдың 30-жылдарында қаланған. Сол кезеңде «1 Май» және «Құндызды» колхоздарының іргесі біріктіріліп, кейіннен «Ленин» мен «Партияның 21 съезі» колхоздары құрылған. 1975 жылы осы шаруашылықтардың негізінде Сәкен Сейфуллин атындағы совхоз өз алдына жеке елді мекен ретінде қалыптасты.

Қасиетті топырақтан ел қорғаны болған батырлар мен сөз бастаған билер, өнер мен мәдениетке еңбегі сіңген ақын-жазушылар шыққан. Сол ұрпақтың еңбегі мен рухы бүгінгі жастарға өнеге болып келеді.

Жаңарған ауылдың жаңа келбеті

Тәуелсіздік жылдары Сәкен Сейфуллин ауылында ауқымды жұмыстар атқарылды. Заманауи талаптарға сай әкімдік ғимараты, 150 орындық мәдениет үйі, балабақша және дәрігерлік амбулатория салынды. Сондай-ақ ауыл көшелері абаттандырылып, инфрақұрылым жүйелері жаңартылды. Бұл ілгерілеу ауыл тұрғындарының тұрмыс сапасын айтарлықтай жақсартты.

Бүгінде ауылдың ажары айқын, тұрмысы тұрақты, жастары жалынды. Бұл – жарты ғасырлық еңбек пен бірліктің жемісі.

Айтыс — мерейтойдың ажарын ашқан мәдени шара

Мерейтой аясында Сыр өңірінің танымал ақындары қатысқан аймақтық айтыс ұйымдастырылды. Жыр додасында айтыскерлер ауылдың өткенінен өнеге, бүгінінен қуаныш іздеп, ел бірлігі мен еңбектің қадірі жайлы өлең өрді.

Ақындар ауыл еңбеккерлерінің қажырлы тіршілігін, елдің ынтымағын, туған жерге деген сүйіспеншілікті көркем тілмен жеткізді. Көрермендер ықылас танытып, айтыс нағыз рухани мерекеге айналды.

Құрмет пен тағзым елдіктің белгісі

Салтанатты іс-шара барысында ауылдың әлеуметтік-экономикалық дамуына және қоғамдық өмірге белсене атсалысқан азаматтар марапатқа ие болды. Ардагерлерге құрмет көрсетіліп, жастарға тағылымды сөздер айтылды.

Мерейтой соңы ауыл өнерпаздарының қатысуымен өткен мерекелік концертке ұласты. Ән мен күй, би мен жыр тоғысқан бұл кеш Сәкен Сейфуллин ауылының жарты ғасырлық тарихына арналған ерекше тарту болды.

Сәкен Сейфуллин ауылының 50 жылдық мерейтойы – тек бір ауылдың емес, бүкіл Сыр елінің ортақ қуанышы. Бұл мереке ауыл тарихына деген құрметтің, еңбектің қадірін бағалаудың және ұрпақтар сабақтастығын дәріптеудің жарқын көрінісіне айналды.

Сәкен Сейфуллин ауылы өткені өнеге, бүгіні берекелі, болашағы жарқын елді мекен.

Сообщение СӘКЕН СЕЙФУЛЛИН АУЫЛЫНЫҢ 50 ЖЫЛДЫҚ МЕРЕЙТОЙЫ КЕҢІНЕН АТАП ӨТІЛДІ появились сначала на Азаттық ньюс.

Мерекелік қабылдауға аудандық ардагерлер кеңесінің төрағасы Мұса Келдібаев, облыстық мәслихат депутаты Жұмабек Ембергенов, сала ардагерлері мен қызметкерлері, сондай-ақ белсенді оқырмандар қатысты.

Іс-шара барысында аудан әкімі Мемлекет басшысы Қасым-Жомарт Тоқаевтың кітапхана ісінің маңыздылығына қатысты айтқан сөзін еске салды:

«Кітапхана – мемлекеттің, ұлттың негізгі жады. Еліміз үшін құнды тарихи деректер мен материалдардың дені кітапханада сақталады. Сондықтан кітапхана ісін дамытуға бей-жай қарауға болмайды», – деген болатын Президент.

Берік Әбдіғаппарұлы өз сөзінде кітапханашылардың қоғамдағы миссиясын ерекше атап өтті:

– Кітапханашы – тек кітап сақтаушы ғана емес, ақпарат ағынын сұрыптап, оқырманға бағыт беруші, білім мен мәдениеттің насихатшысы. Кітап – адамзаттың рухани байлығы болса, кітапхана – сол байлықтың киелі шаңырағы. Сіздердің еңбектеріңізге әрдайым құрметпен қараймыз, – деді аудан әкімі.

Аудан басшысы аймақтағы кітапхана саласына жасалып жатқан қолдауларға тоқталды. Облыс әкімі Нұрлыбек Нәлібаевтың бастамасымен өңірде «Түнгі кітапхана» жобасы жүзеге асырылып, жастардың бос уақытын тиімді өткізуіне мүмкіндік туып отыр.

Биыл Сырдария ауданында ашылған «Руханият» орталығы осы бастаманың жарқын жалғасы болды. Оның құрамындағы тәулік бойына жұмыс істейтін кітапхана оқырмандарға үздіксіз қызмет көрсетіп, рухани кеңістіктің орталығына айналды.

Мерекелік жиында аудан әкімі сала ардагерлері мен үздік қызметкерлерін «Алғыс хаттармен» марапаттап, сый-құрмет көрсетті. Марапат иелерінің қатарында көп жылдар бойы кітапхана ісіне елеулі үлес қосқан ардагерлер мен жас мамандар да бар.

Сонымен қатар, аудандық ардагерлер кеңесінің төрағасы Мұса Келдібаев және сала ардагерлері әріптестерін кәсіби мерекемен құттықтап, жүрекжарды лебіздерін білдірді.

Сообщение Кітапханашыларға құрмет көрсетілді появились сначала на Азаттық ньюс.