Елімізде желтоқсан айынан бастап жаңа купюра қолданысқа енгізіледі, деп хабарлайды “Азаттық-Ньюс” Ақпараттық агенттігі.

Бұл жөнінде Ұлттық банк төрағасы Тимур Сүлейменов мәлімдеді.

“Жыл соңына дейін барлық купюра шығарылады. Бізде тіпті қанша миллион теңге жаңа купюра шығаратынымыздың көлемі де бар”, – деді Т.Сүлейменов Ұлттық Банкте өткен брифингте.

Ұлттық банктің баспасөз қызметінің мәліметінше, биылғы желтоқсан айында номиналы 2 мың теңге болатын жаңа купюра айналымға шығарылады.

Номиналы 1 мың теңге болатын банкнотты іске қосу 2025 жылдың басында, 500 теңге – 2025 жылдың екінші жартысында, 20 мың теңге – 2026 жылға жоспарланған.