Қызылордадағы “Тағзым алаңында” «Ұлы Жеңіс – Ұрпаққа аманат” атты салтанатты іс-шара өтті, деп хабарлайды «Азаттық-Ньюс» Ақпараттық агенттігі.

Игі шараға қауіпті аймақтарда жауынгерлік азаматтық борышын өтеген Ауған соғысының ардагерлері, күштік құрылымдар, зиялы қауым өкілдері және қала тұрғындары қатысты.

Іс-шараға жиналған қауым соғыс жылдарында ерлік көрсеткен қаһарман батырлардың құрметіне 1 минут үнсіздік жариялап, мәңгілік алау алдына гүл шоқтарын қойып, тағзым етті.

Айта кетейік, Ұлы Отан соғысы кезеңінде Сыр өңірінен 70 мың азамат майданға аттанып, оның 30 мыңнан астамы қаза тапты, хабар-ошарсыз кетті. Биыл Ұлы Жеңістің 79 жылдығын 4 соғыс ардагері қарсы алуда.