Дәстүрлі емес діни бағытты ұстанатын облыс орталығының тұрғыны анықталды. 62 жастағы азамат әлеуметтік желіде қауымдастық ашып, материалдар жариялап отырған, деп хабарлайды «Азаттық-Ньюс» Ақпараттық агенттігі.

Қызылорда облысы ПД Экстремизмге қарсы іс-қимыл басқармасының мәліметінше, ұсталған азаматқа сотқа дейінгі тергеп-тексеру әрекеттері жүргізіліп, қылмыстық іс сотқа жолданған.

– Сотталушы кінәлі деп танылып, оған 2 жылға бас бостандығын шектеу жазасы тағайындалып, пробациялық бақылауға алынды. Үкім заңды күшіне енді, деп жазды ҚЫЗЫЛОРДА ҚАЛАСЫ МАМАНДАНДЫРЫЛҒАН СОТЫНЫҢ БАСПАСӨЗ ҚЫЗМЕТІ.