Сыр өңірінде халықаралық суретшілер симпозиумы басталды

436117588 747228394265074 892459442357709062 n

Қызылордада «Руханият жылы» аясында аймақ басшысының қолдауымен ұйымдастырылған «Қылқаламда мәңгілік ел бейнесі» атты Халықаралық суретшілер симпозиумының салтанатты ашылуы өтті, деп хабарлайды «Азаттық-Ньюс» Ақпараттық агенттігі.

Симпозиумда Халық суретшісі Ә.Қастеев бастаған қылқалам шеберлерінің картиналары жас ұрпаққа насихатталып, мәдени мұраны көздің қарашығындай сақтау, бейнелеу өнерінің қазіргі бағыты мен дамуы туралы айтылады.

Салтанатты шарада Қызылорда облысы әкімі аппаратының басшысы Ш.Байманов суретшілерге алғыс білдіріп, симпозиум жұмысына сәттілік тіледі.

Халықаралық жиынға Өзбекстан, Қырғызстаннан, сондай-ақ республикаға танымал қылқалам шеберлері мен жергілікті суретшілер қатысуда.

Қылқалам шеберлері Сыр өңірінің тарихымен танысып, көрнекті жерлерін аралап, қаланың ескі келбетін және қазіргі өзгерістерді композицияға бейнелейді.

Мәдениет және өнер қызметкерлері күні «Өнер орталығында» өтетін мерекелік салтанатты шарада ұйымдастырылатын көрмемен симпозиум жұмысы қорытындыланады.

Бөлісу:

Ваш адрес email не будет опубликован. Обязательные поля помечены *

АЙДАРЛАР

Басқа да мақалалар