Бейнежазба әлеуметтік желіде тарады. Онда атпалдай азаматтардың көше бойында жан дауысымен айқайлап келе жатқаны көрінеді. Кейбірі “Аташауыл” деп ұрандатады. Сол сәтте тәртіп сақшылары қызметтік көлікпен топтың ортасынан өтіп кетеді. Бірақ жігіттер полицейлерге мән бермеген сыңай танытып, көшені бастарына көтереді. Ал мұны көрген қарапайым тұрғындар аң-таң күйде қалады. Көпшілік бұл кезде ондаған жігіт топтық төбелес жасауға бара жатты деген пікір білдірген.

Ал полиция департаментіндегілер жігіттердің бұзақылық жасауына жол бермедік дейді.

“Бір топ азаматтар жиналып айқайлап жүр” деген хабарлама бойынша полиция бөлімінің қызметкерлері оқиға орнына жедел жетіп, олардың заңсыз әрекеттер жасауына жол бермей, полиция бөліміне барлық тұлғалар жеткізілген. Аталған дерек бойынша қылмыстық іс тіркеліп, тергеу жұмыстары жүргізілуде”, – деп мәлдімдеді ПД баспасөз қызметіндегілер.