Қызылорда облысындағы ЗК-169/1 мекемесінің сәлем – сауқаттарды қабылдау бөлмесінде ыстық тағам арасына  бірнеше ұялы телефон салып өткізбекші болған  азамат ұсталды.  Ол тергеу изоляторында қамауда отырған 28 жастағы танысына палау әкелген. Сәлем-сауқаттарын тексеру барысында тамақтың ішінен үш ұялы телефон, 1 дана қуаттағыш және сим-картасы мекеме қызметкерлерімен тыйым салынған зат тәркіленді. Айыпталушы бұрын осы мекемеде жазасын өтеп шыққаны белгілі болды.

Қазіргі таңда аталған факт бойынша ҚР Әкімшілік құқық бұзушылық туралы кодексінің 481-бабына сәйкес (Қылмыстық-атқару жүйесінің мекемелерінде, арнаулы мекемелерде ұсталатын адамдарға тыйым салынған заттар, бұйымдар мен нәрселер беру) әкімшілік материалдар жиналып, сотқа жіберілді.