Қайғылы оқиға түнгі бір шамасында орын алған. Шаһардың Қыдыров пен Нұрмақов көшелерінің қиылысында орналасқан Қызылорда Су жүйесі мекемесіне қарасты станцияға жеткен құтқарушылар тереңдігі 5 метр құдықтан екі жұмысшысың денелерін алып шыққан. Марқұмдар кешкі ауысымда жұмыс жасайтыны белгілі болған. Мамандардың алғашқы болжамы бойынша жұмысшылар улы газбен уланған көрінеді және оларда  жеке қорғаныс құралдары болмаған екен.

– Жедел құтқару жасағынан арнайы құтқару аппараттарын киіп, кәріз судан екі азаматтың мәйітін алып шығып, полиция қызметкерлеріне тапсырылды. Қазіргі таңда полиция қызметкерлері облған жағдайды мән-жайды анықтау үстінде. -дейді МЕЙРАМБЕК ДОСПЕНБЕТОВ, ҚЫЗЫЛОРДА ОБЛЫСЫ ТЖД ЖЕДЕЛ ҚҰТҚАРУ ЖАСАҒЫ БАСШЫСЫНЫҢ ОРЫНБАСАРЫ