Мереке күндері Қызылорда қаласы көшелерінің бірінде жасөспірім қызды  “КАМАЗ” жүк автокөлігі қаққан. Салдарынан ауылдан қалаға қыдырып келген жеткіншек оқиға орнында көз жұмды, деп хабарлайды «Азаттық Ньюс» Ақпараттық Агенттігі.

-Кінәлі жүргізуші  ұсталды. Орын алған дерек бойынша ҚР ҚК 345-бабының 3-бөлігімен (көлік құралын басқаратын адамның жол жүрісі немесе көлік құралдарын пайдалану қағидаларын бұзу салдарынан абайсызда адам өліміне әкеп соғу) сотқа дейінгі тергеп-тексеру әрекеттері жүргізілуде.Тиісті сот сараптамалары тағайындалды.Оқиғаның мән-жайлары анықталуда – дейді БАҒДАТ ЖАНСҰЛТАНОВ, ҚЫЗЫЛОРДА ҚАЛАЛЫҚ ПОЛИЦИЯ БАСҚАРМАСЫНЫҢ АНЫҚТАУ БӨЛІМІ БАСТЫҒЫНЫҢ ОРЫНБАСАРЫ