2022 жылдың наурыз айының 28-нен 29-на қараған түні 15-30м/с желдің ұйытқуы салдарынан Қамыстыбас көлінің мұзы көтеріліп, жағадан 25-30 метр жылжыған. Салдарынан Аққұмшық аталып кеткен жағажайдағы 6 кәсіпкерлік бағыттағы демалыс нысандарына түрлі деңгейде залал келтірілген. Сондай-ақ, жағажайда орналасқан  4 түнгі жарық шамдарының бағаналары зақымданған.  

 Айта кететін жағдай, жағажай жаз маусымында жұмыс жасайтындықтан көл басында ешқандай адамдар болмаған. Бүгінгі күні аталған жағдайға байланысты төтенше жағдай мамандары оқиғаның мән-жайын анықтауда.