Қызылордада әлеуметтік қызметкерлер мүмкіндігі шектеулі жандардың ақшасын 1 жыл бойы жеп келген.  Бұл заңсыздықтар прокурорлармен мүгедек  жандардың құқықтарын тексеру барысында анықталды.

Облыстың арнаулы әлеуметтік қызмет көрсету орталығының 6 маманы  мүгедектерге үкіметтен берілетін жәрдемақыны өз керектеріне жұмсапты. Атап айтқанда жұмыскерлер қызмет алушылардың жеке деректерін қолдану жолымен онлайн шот ашып, ұялы телефон арқылы қаржыны өздерінің банк кәртішкелеріне аударып отырған.

– Заңсыз жолмен иемделген 4 миллион теңге қаржы жеке мұқтаждықтарға, оның ішінде құмар ойындарға жұмсалған. Атап өту қажет, бұл әрекет алдын-ала сөз байласқан адамдар тобында ақыл-есі кемдігін пайдалану жолымен жасалған. Бүгінгі күні облыстық прокуратурамен аталған дерек ҚК 190 бабының 3 бөлігімен тіркеліп, сотқа дейінгі тергеп-тексеруге Қызылорда қалалысының полиция басқармасына тапсырылды. – дейді ӘДІЛЖАН СЫЗДЫҚОВ, ҚЫЗЫЛОРДА ОБЛЫСЫ ПРОКУРАТУРАСЫНЫҢ БАСҚАРМА БАСШЫСЫНЫҢ МІНДЕТІН АТҚАРУШЫ