Егу науқанын жүргізу заңдылығына қатысты медициналық ұйымдарды тексерген құзырлы органдар 21 млн. теңгеден астам сомаға 9,5 мыңнан астам вакцинаны ұтымсыз пайдалану фактілерін анықтады. Атап айтқанда, денсаулық сақтау басқармасының орталықтандырылған сақтау қоймасынан дәрі-дәрмектер өтіп кеткен жарамдылық мерзімімен медициналық мекемелерге жіберілген. Павлодар емханаларының біріне «Пентаксимнің» 135 дозасы препараттың қолданылу мерзімі аяқталған күні берілді.Тағы бір жағдайда мерзімі өткен препараттармен 2 бала вакцинацияланған.

 – Қарсы тексеруде кәмелетке толмағандарды қызылшаға қарсы жалған вакцинациялау фактілері анықталды. Павлодардың облыстық прокуратурасы қабылдаған шаралар бойынша жарамсыз препараттарды жойып, кінәлі адамдарды жауаптылыққа тартты. – деп мәлімдейді ҚР БАС ПРОКУРАТУРАСЫНЫҢ БАСПАСӨЗ ҚЫЗМЕТІ.