Қызылорда облысы Жаңақорған ауданында білім бөлімінің басшысы сыбайлас жемқорлық жасады деген күдікпен қамаққа алынды. Ауданның бас ұстазы өзінің есепшісімен бірге заңсыз қаржы операцияларын жүргізіп, 543 миллион теңгені қолды еткен көрінеді, деп хабарлайды «Azattyq-News»Ақпараттық агенттігі.

Соңғы үш жыл ішінде күдіктілер Жаңақорғанның бірқатар мектептерінде мұғалімдер мен жұмыскерлерге еңбек ақы төлеу кезде ресми құжаттарға жалған мәліметтер енгізіп келген. Сыбайлас жемқорлыққа қарсы іс-қимыл агенттігі қазіргі таңда аудандық білім бөлімінің басшысына қатысты 15 қылмыстық іс қозғап отыр.

– 1C Бухгалтерия бағдарламасынан “Свифт” файл деген бар соны көшіріп алып, сол жердегі жұмыскерлердің аты-жөнін дұрыс жазған, ал жеке сәйкестендіру номерлерін ЖСН сонымен есеп шоттарын басқа үшінші бөгде тұлғалардың аттарын енгізіп, солай жымқырған. –дейді АСЫЛХАН АШИКОВ, ҚР СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІ ҚЫЗЫЛОРДА ОБЛЫСЫ БОЙЫНША ДЕПАРТАМЕНТІ БАСШЫСЫНЫҢ ОРЫНБАСАРЫ