Оқыс оқиға Қызылорда облысының Қармақшы ауданы «Шымкент-Самара» тасжолының 1573/693 шақырымында орын алды. Төретамның тұсында таңғы мезгілде автобус пен жеңіл көлік соқтығысқан. Салдарынан оқиға орнында 5 адам қайтыс болды, ал төртеуі жедел түрде Байқоңырдағы ауруханаға  жеткізілген. Тойота маркілі жеңіл автокөлік толықтай өртеніп кеткен.

Орын алған жол-көлік оқиғасы бойынша ҚР ҚК-нің 345-бабының 4-бөлігімен (Автомобильдi басқаратын адамның жол жүрісі қағидаларын бұзып, абайсызда екi немесе одан да көп адамның өлiмiне әкеп соғу) сотқа дейінгі тергеп-тексеру әрекеттері жүргізілуде.