“Azattyq-News” ақпарат агентігіне Алмаз Тұрғамбаев есімді Байқоңыр қаласының азаматы арызданды. Әділдікке қол жектізбек болған азамат Қызылорда облыстық денсаулық сақтау басқармасы мемекеттік сатып алу заңдылығын өрескел бұзды деп айып тағуда. Айтуынша, жалпы сомасы 43 миллион теңгедеден асатын лотты лицензиясы жоқ мекеме ұтып алған көрінеді. Осы мәселені тексеруге Алмаз Тұрғамбаев прокуратура мен сыбайлас жемқорлыққа қарсы іс-қимыл агенттігіне арызданған. Облыстық прокуратура істі Қызылорда облысы бойынша ішкі мемлекеттік аудит департаментіне жіберіпті. Олар өз кезегінде тексеру қорытындысын шығару үшін 15 жұмыс күні қажет екендігін сөз етті.