Қызылорда қаласында көлік-аялдама пайдалануға берілді. Қала тұрғындары енді қоғамдық көлікті өрт сөндіру көлігінің кабинасында күтеді. Бұл аялдама – Сыр құтқарушыларының креативті жобасы болып табылады.

Жаңа арт-жоба аялдама көпшілікке тек паналау мақсатында ғана қажет емес, сонымен бірге ақпараттық көмек ретінде де тиімді. Аялдамада қауіпсіздік ережелерімен танысуға да мүмкіндік бар. Сондай-ақ жастарға құт­қарушы мен өрт сөн­ді­руші мамандығын қалай меңгеруге және азамат­тық қорғау қызметіне қалай жолдама алуға болатыны туралы жазылған. Жобаның орналасқан жері кездейсоқ таңдалған жоқ. Аялдама №1 мамандандырылған өрт сөндіру бөлімінің жанындағы М. Саламатов көшесінің бойына орналасты. Аймақтағы қызмет бабында қаза тапқан қызметкерлерге арналған “Отқа оранған өрендер” атты ескерткіші бар  талай кәсіби маманды даярлаған әрі үлкен өрт сөндіру бөлімінің маңынан ашылып отыр.