Қызылорда облысы Қармақшы ауданына қарасты ІІІ Интернационал ауылында тағы да дау шықты. Екі жылдан бері егістік жерлерін даулап жүрген ауыл тұрғындары екіге бөлінді. Бірі шаруа қожалықты бұрынғы төраға қолына алсын десе, екінші тарап бұл кәсіпкерді ауылға жолатқысы жоқ. Осының салдарынан қазір ауылда егін уақытылы егілмей, жұмыс тоқтап тұрған көрінеді. Ал, несиеге алынған ауылшаруашылық техникалары қайтадан банкке өтуі мүмкін.