Отан алдындағы борышын өтеуге әскерге ұлын жіберіп, сау баланың орына мәйітке қол жеткізген ана ҚР Президентіне үндеу жасады. Сегіз ай бұрын әскерге кеткен Қызылорда облысы Қазалы ауданының азаматы Ұлықбек Бердешов Жамбыл облысындағы “Андас батыр” әскери заставасынан наурыз айында жоғалып кеткен еді. Қатардағы жауынгердің денесі біршама уақыттан кейін Қырғызстанның аумағынан табылды. “Қылмыстық іс қаралмай жатыр” деген марқұмның анасы 7 мамыр – Отан қорғаушылар күнінде қалған екі ұлын енді ешқашанда әскерге жібермейтіндігін жеткізді.