Бүгін Жаңақорған ауданындағы Жаңаарық ауылында “Бал-шуақ” жеке меншік балабақшасынан өрт шықты. Қуанышқа орай бірде бір бүлдіршін зардап шекпеді, деп хабарлайды “Azattyq-News”  Ақпараттық агенттігі.

 Оқыс оқиға азанғы 10.00 шамасында орын алды. Бір қабатты ғимараттың  көлемі 130 ш.м. құрайтын шатырдың ағаш конструкцияларын өрт шалған. Өрт сөндіру қызметі келгенге дейін 25 тәрбиеленуші бала мен 7 қызметкер сыртқа шығып үлгерді.  Оқиға орнына жеткен өрт сөндірушілер жарты сағатта  өрттің бетін қайтарып, сөндіген. Тілсіз жаудан зардап шеккендер мен қаза тапқандар жоқ. Өрттің орын алу себебі анықталуда.