Қызылорда облысында сандарға сүйенсек, халықтың 21 пайызын жастар құрайды.  Белсенді жастардың жұмысын насихаттап, қолдау көрсету мақсатында Сыр өңірінде әр түрлі бағытта 50-ге жуық жастар бірлестігі жұмыс жасайды. Оның ішіде 10 жастар ресурстық орталықтары да бар.  Тең жартысы жеке ғимараттармен қамтылған, ал қалғандары аудан әкімдіктеріне қарасты мемелекеттік мекемелерде отырған көрінеді. Байқоңырдағы жастардың жағдайы басқа өңірлердегі жастармен салыстырғанда тым ауыр екен. Бұл жайында Қызылорда қаласындағы Достық үйінде өткен облыстық ішкі саясат басқармасының кеңейтілген мәжілісінде сөз етілді.