Қызылорда облысында Сырдария өзені арнасынан асып Қармақшы ауданы Қызылтам елдімекені тұсындағы Далдабай, Қызылтам жолына су жайылды. Сол себепті жолаушылардың қауіпсіздігі үшін облыстық маңызы бар «Жалағаш-Жосалы» тас жолы уақытша жабылды.

Мамандар елдімекендерге ешқандай қауіп жоқ дегенді айтады. Жауапты салалармен арнайы жұмыстар жүргізілуде. Айта кетейік, екі ауылды байланыстырып отырған жолдың ұзындығы 31 шақырымды құрайды.