Қармақшыда бокстан республикалық турнир басталды

441289087 2007562079639294 7438982605268391574 n

Қармақшыда Қазақстан Республикасының спортына сіңірген еңбегі үшін «Құрмет белгісінің иегері» Қуаныш Қаражановтың жүлдесіне арналған бокстан жасөспірімдер арасындағы республикалық турнирдің ашылу салтанаты өтті, деп хабарлайды «Азаттық-Ньюс» Ақпараттық агенттігі.

Турнирдің ашылу салтанатында аудан әкімінің орынбасары Самат Қыдырбекұлы сөз сөйлеп, Қуаныш Қаражановқа спорт саласының дамуына қосқан зор үлесі үшін ризашылығын білдіріп, аудан әкімінің алғыс хаты мен сый-сияпатын табыстады. Сондай ақ, ауданда бұқаралық спортты дамыту бағытында атқарылып жатқан жұмыстарға тоқталып, жастар мен жасөспірімдердің бос уақытын тиімді пайдалану, спортқа баулу мақсатында салынып жатқан спорт кешендерінің жуырда пайдалануға берілетіндігін айтып, турнирге қатысушы жас спортшыларға сәттілік тіледі.

Шарада Қуаныш Қаражановқа, ҚР Сот Әкімшілігінің Қызылорда облысы бойынша Департаментінің басшысы Сағатбек Болатбекұлы, ҚР «Құрметті спорт қайраткері» Еркін Оразбекұлы ізгі тілектерін білдірді.

Айта кетейік, ХІІІ рет дәстүрлі түрде өткізіліп келе жатқан турнирге Қырғызстаннан және еліміздің Атырау, Алматы, Ақтөбе, Қызылорда облыстарынан барлығы 12 команда, 150-ге жуық спортшы қатысуда.

Бөлісу:

Ваш адрес email не будет опубликован. Обязательные поля помечены *

АЙДАРЛАР

Басқа да мақалалар