Банктердің бірінде инкассатор өзіне оқ атты, деп хабарлайды «Азаттық-Ньюс» Ақпараттық агенттігі.

Желі қолданушылары оқиға Ақтау қаласындағы 14-шағын ауданда орын алғанын жазуда. Инкассатор 10 миллион теңге ұрлап кетіп, артынша банктің жертөлесіне жасырынған. Одан соң қызметтік қарудан өзіне оқ атқан.

Қалалық полиция департаменті болған жайды растады.

“Ұрлық және өз-өзіне қол жұмсау дерегі бойынша Ақтау Полиция басқармасы қылмыстық істі тіркеді. Қазіргі уақытта тергеу шаралары жүргізіліп жатыр”, – деп хабарлады ведомство.