Қылмыс — Азаттық ньюс

Сырдария аудан прокуратурасының бастамасымен рейдтік іс-шара өтті

Azattyq-news — Sat, 18 Apr 2026 06:20:05 +0000

Сырдария аудан прокуратурасының бастамасымен қоғамдық тәртіпті сақтау, құқық бұзушылықтың алдын алу және тұрғындардың құқықтық сауаттылығын арттыру мақсатында кең ауқымды рейдтік іс-шара ұйымдастырылды. Аталған шараға құқық қорғау органдарының өкілдері, полиция қызметкерлері, жастар ресурстық орталығының мамандары, сондай-ақ белсенді жастар мен студенттер қатысты.
Іс-шара барысында аудан аумағындағы қоғамдық орындар, адамдар көп шоғырланатын нысандар мен көшелер араланып, тұрғындармен профилактикалық және түсіндіру жұмыстары жүргізілді. Азаматтарға қоғамдық тәртіпті сақтау, заң талаптарын орындау, кәмелетке толмағандардың түнгі уақытта заңды өкілінсіз жүруіне жол бермеу, жол қозғалысы ережелерін сақтау және түрлі құқық бұзушылықтардың салдары жөнінде жан-жақты мәліметтер берілді. Сонымен қатар, жастар арасында құқықтық мәдениетті қалыптастыру, жауапкершілік сезімін арттыру және заңға құрметпен қарау мәселелеріне ерекше назар аударылды.
Мұндай рейдтік іс-шаралардың негізгі мақсаты – құқық бұзушылықтың алдын алу ғана емес, сонымен қатар қоғамда қауіпсіз орта қалыптастыру, тұрғындар мен жастардың құқықтық санасын көтеру және мемлекеттік органдар мен халық арасындағы өзара байланысты нығайту болып табылады. Осындай жүйелі жұмыстардың нәтижесінде қоғамдық орындардағы тәртіптің сақталуына, азаматтардың қауіпсіздігінің қамтамасыз етілуіне және қоғамдағы тұрақтылықтың нығаюына оң әсерін тигізеді.
Сырдария аудан прокуратурасы алдағы уақытта да құқық бұзушылықтың алдын алу бағытындағы профилактикалық шараларды тұрақты түрде жалғастырып, қоғам тыныштығы мен азаматтардың қауіпсіздігін қамтамасыз ету жолында кешенді жұмыстар жүргізетін болады.
Қоғамдық тәртіп пен қауіпсіздік – баршамызға ортақ міндет әрі ортақ жауапкершілік.

Сообщение Сырдария аудан прокуратурасының бастамасымен рейдтік іс-шара өтті появились сначала на Азаттық ньюс.

Сырдария ауданында “Мал ұрлығына жол жоқ” іс-шарасы жалғасуда

Azattyq-news — Sat, 18 Apr 2026 06:17:26 +0000

Сырдария ауданында мал ұрлығының алдын алу және қоғамдық қауіпсіздікті қамтамасыз ету бағытындағы жұмыстар жүйелі түрде жалғасуда. Осыған орай аудан аумағында өткізіліп жатқан «Мал ұрлығына жол жоқ» жедел-профилактикалық іс-шарасы аясында бірқатар маңызды шаралар жүзеге асырылуда.
Аталған іс-шара шеңберінде Сырдария ауданына қарасты Бесарық ауылында профилактикалық рейд ұйымдастырылып, ауыл тұрғындары арасында түсіндіру жұмыстары жүргізілді. Шараның негізгі мақсаты – мал ұрлығы деректерінің алдын алу, құқық бұзушылықтардың жолын кесу, сондай-ақ тұрғындардың құқықтық сауаттылығын арттыру.
Рейд барысында учаскелік полиция инспекторы, полиция майоры Е. Әбілдаев ауыл аумағындағы мал ұстайтын қора-жайларды аралап, олардың қауіпсіздік талаптарына сәйкестігін тексерді. Сонымен қатар, тұрғындарға малды қараусыз жайылымға жібермеу, түнгі уақытта қауіпсіз орында ұстау, арнайы ен-таңба немесе белгілер салу, сондай-ақ малға қатысты құжаттарды заң талаптарына сай ретке келтіру жөнінде нақты түсіндірмелер берілді.
Полиция қызметкерлері мал ұрлығы көбіне иесіз, қараусыз жүрген малдарға қатысты орын алатынын атап өтіп, әрбір тұрғынды жеке мүлкіне жауапкершілікпен қарауға шақырды. Сонымен бірге күмәнді жағдайлар немесе бөтен адамдардың әрекеттері байқалған жағдайда дереу құқық қорғау органдарына хабарлау қажеттігі ескертілді.
Айта кету керек, мұндай профилактикалық шаралар аудан көлемінде тұрақты түрде өткізіліп келеді. Нәтижесінде мал ұрлығының алдын алу, құқықтық тәртіпті нығайту және тұрғындармен тығыз байланыс орнату бағытында оң нәтижелер байқалуда.
Сырдария аудандық полиция бөлімі азаматтарды сақтық шараларын қатаң сақтауға және қоғамдық қауіпсіздікті қамтамасыз етуге бірлесе атсалысуға шақырады.

Сообщение Сырдария ауданында “Мал ұрлығына жол жоқ” іс-шарасы жалғасуда появились сначала на Азаттық ньюс.

Дроперлік: интернет алаяқтарының жасырын құралы және оның қауіпті салдары.

Azattyq-news — Thu, 16 Apr 2026 07:01:33 +0000

Соңғы жылдары цифрлық технологиялардың дамуы адамдардың өмірін жеңілдеткенімен, интернет алаяқтықтың жаңа түрлерінің көбеюіне де жол ашты. Солардың бірі – дроперлік. Бұл құбылыс қоғамда кеңінен таралып, көптеген азаматтардың өздері байқамай қылмысқа қатысушы болып кетуіне себеп болып отыр.
Дропер деген кім?
Дропер – үшінші тұлғалардың, яғни алаяқтардың тапсырмасымен әрекет ететін адам. Ол өз атына тіркелген банк картасын, есепшотын немесе жеке деректерін басқа адамдарға береді. Алаяқтар дәл осы шоттар арқылы заңсыз қаржы операцияларын жүргізеді.
Көп жағдайда дроперлер мұндай әрекеттің заңсыз екенін толық түсінбейді. Оларға “оңай табыс”, “қашықтан жұмыс”, “қарапайым ақша айналымы” деген жалған ұсыныстар беріледі.
Дроперлік қалай жұмыс істейді?
Қылмыстық топтар түрлі тәсілдер арқылы адамдарды өз торына түсіреді. Әдетте әлеуметтік желілер, мессенджерлер немесе жұмыс іздеу платформалары арқылы байланыс орнатады.
Сценарий көбіне бірдей:
Жоғары табыс уәде етіледі
Ешқандай арнайы дағды талап етілмейді
Тек банк картасын немесе шотты “уақытша пайдалану” сұралады
Нәтижесінде, алаяқтар:
Ұрланған немесе заңсыз табысты ақша аударымдарын жүзеге асырады
Қаржы ізін жасырады
Басқа азаматтарды алдау үшін осы шоттарды пайдаланады
Неге бұл қауіпті?
Ең басты мәселе – заң алдында жауапкершілік. Құқық қорғау органдары күмәнді операцияларды анықтағанда, ең алдымен шот иесіне назар аударады. Яғни, дропер ретінде тіркелген азамат негізгі күдіктіге айналады.
Бұл өз кезегінде:
Қылмыстық жауапкершілікке тартылуға
Банктік шоттардың бұғатталуына
Несие алу мүмкіндігінің шектелуіне
Ірі көлемдегі қаржылық шығындарға әкелуі мүмкін
Тіпті адам өзінің алаяқтық схемаға қатысқанын білмеген жағдайда да, заң алдында бұл жауапкершіліктен босатпайды.
Қалай сақтануға болады?
Мамандар бірнеше қарапайым, бірақ маңызды ережені ұстануға кеңес береді:
Банк картасын немесе есепшотыңызды ешкімге бермеңіз
Жеке деректерді (ЖСН, SMS-код, құпиясөздер) құпия сақтаңыз
“Жеңіл ақша”, “жылдам табыс” ұсыныстарына күмәнмен қараңыз
Күмәнді жұмыс ұсыныстарынан бас тартыңыз
Белгісіз адамдардың қаржы операцияларына қатыспаңыз
Қоғамға төнген қауіп
Дроперлік тек жеке адамға ғана емес, бүкіл қаржы жүйесіне қауіп төндіреді. Мұндай схемалар арқылы алаяқтар өз әрекеттерін жасырып, құқық қорғау органдарының жұмысын қиындатады. Соның салдарынан алаяқтық қылмыстардың саны артып отыр.
Қорытынды
Оңай табыс әрдайым қауіпсіз емес. Көп жағдайда ол – жақсы ойластырылған тұзақ. Бір сәттік пайдаға алданып, өз болашағыңызға қауіп төндірмеу маңызды.
Егер күмәнді жағдайға тап болсаңыз немесе осындай ұсыныс алсаңыз, дереу банкке немесе құқық қорғау органдарына хабарласу қажет. Сақтық – қаржылық қауіпсіздіктің басты кепілі.

Сообщение Дроперлік: интернет алаяқтарының жасырын құралы және оның қауіпті салдары. появились сначала на Азаттық ньюс.

Қызылордада өгей әке қызды аңдыған: күдікті қамауға алынды

Azattyq-news — Fri, 13 Feb 2026 06:53:20 +0000

Қызылорда қаласында бойжеткен қызды жүйелі түрде аңдып, мазалаған ер адам ұсталып, қамауға алынды.
Жәбірленушінің айтуынша, өгей әкесі оның тыныштығын бұзып, соңынан қалмаған. Арыз түскеннен кейін полиция жедел шаралар қабылдап, күдіктіні қолға түсірді. Қылмыстық іс тәулік ішінде сотқа жолданды.
Жыл басынан бері облыс аумағында әйелдерге қатысты сталкингтің 6 дерегі тіркеліп, жолы кесілген. Барлық жағдайда күдіктілер жәбірленушілермен бұрын таныс болған.
Көп жағдайда қарым-қатынас тоқтатылғанына қарамастан, қудалау жалғасқан:
түрлі нөмірлерден қоңырау шалу
мазмұнды хабарламалар жазу
үйі мен жұмыс орнына бару
әлеуметтік желілер арқылы мазалау
Жәбірленушілер байланысын толық үзгеніне, бұғаттағанына және кездесуден бас тартқанына қарамастан, заңсыз әрекеттер тоқтамаған. Полиция мұндай әрекеттер үшін қатаң жауапкершілік қарастырылғанын ескертеді.
Егер сіз немесе жақындарыңыз қудалауға тап болса, дереу құқық қорғау органдарына хабарласыңыз.

Сообщение Қызылордада өгей әке қызды аңдыған: күдікті қамауға алынды появились сначала на Азаттық ньюс.

Зорлық-зомбылықтың балалар психологиясына әсері

Azattyq-news — Tue, 25 Nov 2025 14:44:40 +0000

Тұрмыстық зорлық–зомбылық – тек жеке отбасының ғана емес, тұтас қоғамның қауіпсіздігіне тікелей әсер ететін қылмыс. Соңғы жылдары бұл мәселе құқық қорғау органдарының, әлеуметтік қызметтердің және қоғамдық ұйымдардың басты назарында тұр. Себебі әр адамның құқығы мен қадір-қасиеті – мемлекет қорғауындағы ең жоғары құндылық.

Сырдария ауданының полиция бөлімі тұрмыстық зорлық-зомбылыққа төзбеушілік принципін алға тартып, халық арасында түсіндіру, алдын алу жұмыстарын күшейтіп келеді. Полиция қызметкерлерінің айтуынша, көптеген жағдайлар дер кезінде хабарланбағандықтан ушығып, ауыр қылмысқа ұласатын оқиғалар жиі кездеседі. Осы себепті мамандар қоғамды белсенді болуға шақырады.

ҚҰҚЫҒЫҢЫЗ ҚОРҒАЛАДЫ, ҮНІҢІЗ ЕСТІЛЕДІ

Қолданыстағы заң тұрмыстық жанжал кезінде зардап шеккен азаматқа бірқатар құқықтық қорғаныс береді: қорғау нұсқамасы, жақындауға тыйым салу, сотқа дейінгі тергеу шаралары және әлеуметтік-психологиялық көмек. Ең бастысы – азаматтың қауіпсіздігі мен денсаулығы.

Полиция өкілдері зорлық-зомбылықтың көптеген түрлерін бөліп көрсетеді: физикалық күш қолдану, психологиялық қысым, экономикалық шектеу, қорқыту, еркіндігін шектеу. Көп жағдайда зардап шегушілер ұзақ уақыт бойы шыдап, жағдайды ашуға қорқатыны белгілі. Алайда мамандар мұндай үнсіздік қылмыскердің тайраңдауына жол ашатынын ескертеді.

КУӘ БОЛСАҢ – ҮНСІЗ ҚАЛМА

Тұрмыстық зорлық-зомбылық – жеке мәселе емес, қоғамдық мәселе. Сондықтан куә болған әрбір азаматтың белсенділігі маңызды. Көрші үйден жанжал дауысы шықса немесе біреудің өмірі мен денсаулығына қауіп төнді деп ойласаңыз – дереу полицияға хабарласу қажет. 102 нөмірі тәулік бойы жұмыс істейді, әр шағым тіркеліп, тексеріледі.

Мамандардың айтуынша, куәгерлердің дер кезінде хабар беруі көптеген қайғылы оқиғаның алдын алады. «Кей кездерде бір қоңырау — бір адамның өмірін сақтап қалады», — дейді учаскелік инспекторлар.

ҚОЛДАУ ҚАЖЕТ БОЛСА – ОРТАЛЫҚҚА ЖҮГІНІҢІЗ

Тұрмыстық зорлық-зомбылыққа ұшыраған азаматтар үшін аудандарда отбасы қолдау орталықтары, дағдарыс орталықтары, психологтар мен әлеуметтік қызметкерлер жұмыс істейді. Олар құқықтық кеңес беріп, қауіпсіздік жоспарын жасап, уақытша баспана ұсына алады.

Сарапшылардың пікірінше, көптеген жәбірленушілер өз жағдайын жалғыз шешуге тырысып, көмек сұраудан қымсынады. Бірақ кәсіби мамандардың қолдауы – қауіптен шығудың ең сенімді жолы.

ҚАУІПСІЗ ҚОҒАМ – ЖАЛПЫ ЖАУАПКЕРШІЛІК

Сырдария аудандық полиция бөлімі тұрмыстық зорлық-зомбылықты түбегейлі азайту жолында тек полицияның емес, бүкіл қоғамның атсалысуы қажет екенін атап өтеді. Әрбір азаматтың дабылы, әр айтылған дерек, әрбір дер кезінде көрсетілген көмек – қауіпсіз қоғам құру жолындағы маңызды қадам.

Тұрмыстық зорлық-зомбылыққа төзім жоқ.
Әрбір адамның құқығы — заңмен қорғалуға тиіс.
Әр жанның қадір-қасиеті — ең жоғары құндылық.

Жауапкершілікті таңдау – қауіпсіз қоғамға бастар жол.

Сообщение Зорлық-зомбылықтың балалар психологиясына әсері появились сначала на Азаттық ньюс.

Деструктивті діни ағымдармен күрес күшейді: ҰҚК төрт қалада арнайы операция жүргізіп, алты адамды қамауға алды

Azattyq-news — Tue, 25 Nov 2025 14:32:20 +0000

Қазақстанда ұлттық қауіпсіздікке төнетін діни-экстремистік қатерлерге қарсы іс-қимыл жалғасуда. Ұлттық қауіпсіздік комитеті қараша айында Алматы, Ақтөбе, Қонаев және Шымкент қалаларында арнайы жедел іс-шаралар өткізіп, деструктивті діни ағымдарды ұстанатын алты адамды ұстады. Тергеу мәліметтері олардың интернет арқылы терроризмді насихаттап, қоғамға қауіп төндіретін әрекеттерге барғанын көрсетіп отыр.

Терроризмді насихаттау — негізгі айып

ҰҚК таратқан мәліметке қарағанда, күдіктілер әлеуметтік желілер мен түрлі мессенджерлерде діни себептермен зорлық-зомбылық жасауға шақырған материалдарды жүйелі түрде таратқан. Олар:

діни мотивпен шабуылдар жасауға шақырған,

адам өлтіруді негіздейтін радикалды үндеулер жариялаған,

Қазақстанның конституциялық құрылымына қарсы пікірлер таратқан,

зайырлы мемлекет қағидаттарын жоққа шығарып, қоғамға іріткі салуға тырысқан.

Бұл фактілер ҚР Қылмыстық кодексінің терроризмді насихаттау және экстремистік әрекеттерге шақыру баптарына толықтай сай келеді.

Тінту кезінде қару-жарақ табылды

Арнайы операция барысында қауіпсіздік қызметкерлері күдіктілердің тұрмыс-жайларын тінтіп, оқ-дәрілері бар атыс қаруын, суық қару түрлерін, сондай-ақ айтарлықтай көлемдегі діни мазмұндағы әдебиеттерді тәркіледі. Тәркіленген қарулардың қайдан алынғаны және қандай мақсатта жиналғаны тергеу барысында анықталады.

Құқық қорғау органдары бұл фактіні күдіктілердің өз әрекеттерін жүзеге асыруға дайындалғанының белгісі ретінде қарастырып отыр.

Күдіктілер уақытша қамауға алынды

Сот санкциясымен ұсталған алты адам қамауға алынды. Тергеу амалдары жалғасуда. ҚР Қылмыстық-процессуалдық кодексінің 201-бабының 1-бөлігіне сәйкес, тергеу мүддесіне байланысты басқа ақпарат жария етілмейді.

Бұл бап әсіресе терроризм, экстремизм сияқты қауіпті істерде ақпараттың сыртқа шығуын шектеу үшін қолданылатыны белгілі.

Ұқсас қылмыс үшін 7 жылға сотталған адам бар

3 қарашада Актөбе облысының тұрғыны дәл осындай қылмыс үшін — терроризмді насихаттайтын материалдар таратқаны үшін — 7 жылға бас бостандығынан айырылғаны хабарланды. Сот үкімі заңды күшіне енген.

Мамандардың айтуынша, бұл іс қоғамға интернеттегі радикализацияның қаншалықты қауіпті екенін көрсетеді.

Жыл басынан бері жүздеген іс қозғалған

ҰҚК деректеріне сүйенсек, 2025 жылдың басынан бері терроризм және экстремизм бойынша:

83 адам ұсталып,

97 адам сотталған.

Бұл көрсеткіштер мемлекет тарапынан деструктивті ағымдарға қарсы күрестің жүйелі түрде жүргізіліп жатқанын дәлелдейді.

Қорытынды: Ақпараттық қауіпсіздік — басты міндет

Соңғы жылдары экстремистік идеялардың интернет арқылы таралуы әлемдік деңгейде де, Қазақстанда да басты қауіптердің біріне айналды. Сол себепті қауіпсіздік органдары жыл сайын онлайн-кеңістіктегі мониторингті күшейтіп келеді.

ҰҚК азаматтарды күмәнді діни топтардан, радикалды идеяларды насихаттайтын ақпарат көздерінен сақ болуға шақырады. Қоғамның тұрақтылығы әрбір азаматтың ақпаратты сүзгіден өткізіп, заңға қайшы әрекеттерді дер кезінде құқық қорғау органдарына хабарлауына тікелей байланысты.

Сообщение Деструктивті діни ағымдармен күрес күшейді: ҰҚК төрт қалада арнайы операция жүргізіп, алты адамды қамауға алды появились сначала на Азаттық ньюс.

Дроппер деген кім және олардың алаяқтық әрекеттері қандай

Azattyq-news — Thu, 13 Nov 2025 09:06:51 +0000

Жастардың, тіпті егде жастағы адамдардың қылмыстық схемеларға тартылып, делдал, яғни дроппер болу жағдайлары жиі кездеседі.
Дроппер дегеніміз кім?
Дроппер немесе дроп-бұл алаяқтар ұрлаған ақшаны өзінің банк картасы арқылы өткізетін адам. Кейде карточкасын үшінші тұлғалар пайдаланғанын білмеген адам алаяқтық обьектісіне айналуы мүмкін. Осылайша, дроп өзінің қылмыстық схемаға тартылғанын әрдайым түсіне бермейді, өйткені алаяқтар әдетте өз әрекеттерін заңды бизнес ретінде жасырады.
Егер кімнің жиі дроппер болатыны туралы айтатын болсақ, онда бұл: мектеп оқушылары мен студенттер, қолайсыз отбасылардан шыққан адамдар, зейнеткерлер және мұқтаж азаматтар.
Қаскүнемдер азаматтардың уақытын жұмсамай, тез ақша табуға мүдделі екенін, бірақ салдары туралы ойланбайтынын пайдаланады.
Дропперді әртүрлі шоттар арасында заңсыз алынған ақшаны аудару үшін жалдайды. Бұл қылмыкерлерге іздерін жасыруға және тергеу жұмысын қиындатуға мүмкіндік береді. Бұл жағдайда алаяқтық аударымдар әртүрлі елдерде және әртүрлі адамдардың атынан жасалуы мүмкін.
Барлық дроппер алаяқтарға көмектесіп жатқанын білмеуі де мүмкін. Себебі кейде алаяқтар ақшаны бейқам адамның шотына әдейі аударады, содан кейін «қате аударым» туралы хабарлап, ақшаны қайтаруын, бірақ басқа-жалған шотқа аударуын сұрайды. Мұндайда қаскүнемдер айланың барлық мүмкіндігін пайдаланады.
Олдар дәрі-дәрмек, емдеу немесе баламның оқуына арналған соңғы ақшаны қате жібергендерін айтып, аяушылық тудыруы мүмкін.
Бұл қауіпті, себебі қылмыстық тергеу кезінде полицияға сіздің қылмыстық схеманың қатысушы екеніңізді дәлелдеу өте қиын болады.
Онлайн-алаяқтықты тергеу кезінде тергеушілер бірінші кезекте дропперлерге шығады. Әдетте олар қылмыскерлердің сыбайлас қатысушыларына айналады.
2025 жылдың 16 қыркүйегінен бастап қолданысқа енгізілген Қазақстан Республикасы Қылмыстық кодексінің «Банктік шотқа, төлем құралына немесе сәйкестендіру құралына қолжетімділікті заңсыз ұсыну, беру және алу, сондай-ақ төлемдерді және (немесе) ақша аударымдарын заңсыз жүзеге асыру» 232-1- бабына сәйкес, іс-әрекетінің ауырлығына, сипатына және алынған пайда мөлшеріне қарай айыппұлдан бастап, мүлкі тәркілей отырып
7 жылға дейін мерзімге бас бостандығынан айыру жзасы тағайындалуы мүмкін.

Сообщение Дроппер деген кім және олардың алаяқтық әрекеттері қандай появились сначала на Азаттық ньюс.

Есірткі – адам өмірін құртатын қауіпті індет

Azattyq-news — Wed, 05 Nov 2025 18:02:31 +0000

Қазіргі қоғамда есірткі мәселесі әлемдік деңгейдегі аса өзекті проблемалардың біріне айналып отыр. Бұл дерт бір адамның ғана емес, тұтас отбасының, тіпті бүтін бір ұлттың келешегіне қауіп төндіреді. Есірткінің әсері адамның ағзасын әлсіретіп қана қоймай, оның ерік-жігерін, рухын, өмірге деген көзқарасын жояды. Адамның тұлғалық болмысы күйреп, әлеуметтік және рухани байланыстардан ажырай бастайды.

Есірткіні алғаш рет «қызығушылықтан» немесе «әншейін бір рет қана көремін» деген оймен қолданғандардың басым бөлігі уақыт өте тәуелділікке шалдығады. Бұл – шегініс жолы жоқ, арпалысы ауыр, жеңуі қиын қасіретті жол. Дәрігерлердің айтуынша, есірткіге тәуелді адамның психикалық және физиологиялық жағдайы тұрақсыз болады. Оған үнемі жаңа «доза» керек, әйтпесе ағзасы қалыпты жұмысын тоқтата бастайды. Міне, дәл осы тұста адам өз өмірін толықтай бақылаудан айырылады.

Есірткіге қарсы күрес бүгінгі күні тек медицина мен құқық қорғау органдарының жұмысы емес. Бұл – қоғамның әрбір мүшесінің ортақ міндеті. Әр ата-ана, әр мұғалім, әр дос және әр азамат өз айналасындағыларға дұрыс бағыт-бағдар беріп, қауіптің алдын алуға атсалысуы тиіс. Өйткені жастардың болашағы – елдің ертеңі, ал олардың тағдыры біздің қолымызда.

Салауатты өмір салтын ұстану – бұл жай ғана спортпен шұғылдану немесе зиянды әдеттерден бас тарту ғана емес. Бұл – өз денсаулығыңа, мүмкіндігіңе, өміріңе деген құрмет. Өз болашағына жауапкершілікпен қарайтын адам ешқашан өзінің өмірін уақытша ләззат үшін құрбан етпейді. Қоғам да сондай тұлғаларды қалыптастыруға мүдделі болуы тиіс.

Сондықтан әр азамат есірткіге қарсы күресте бейжай қалмауы керек. Өзімізді, отбасымызды, ұрпағымызды және қоғамды қорғау – ортақ мақсат. Денсаулық, білім, адамгершілік және дұрыс көзқарас – бұл індетке қарсы ең мықты қару.

Өмірді таңда, денсаулықты таңда, болашақты таңда!

Сообщение Есірткі – адам өмірін құртатын қауіпті індет появились сначала на Азаттық ньюс.

Қызылордада «TikTok» арқылы терроризмді насихаттаған әйел ұсталды

Жазира Бағланқызы — Wed, 06 Aug 2025 11:59:39 +0000

Қызылордада «TikTok» арқылы терроризмді насихаттаған әйел ұсталды

Қызылордада «TikTok» арқылы терроризмді насихаттаған әйел ұсталды, деп хабарлайды «Азаттық-Ньюс» Ақпараттық агенттігі.

Облыстық полиция департаменті экстремизмге қарсы іс-қимыл басқармасының және Ұлттық қауіпсіздік комитеті Қызылорда облысы және Байқоңыр қаласы бойынша департаментінің қызметкерлері жедел іздестіру кезінде деструктивті діни ағым өкілін ұстады.

Нәтижесінде Қызылорда қалалық сотының үкімімен әйел кінәлі деп танылып, оған 7 жыл мерзімге бас бостандығынан айыру жазасы тағайындалды.

Басқа да жаңалықтарды оқи отырыңыз.

Қаралған саны: 255

Бөлісу:

АЙДАРЛАР

Басқа да мақалалар

Сообщение Қызылордада «TikTok» арқылы терроризмді насихаттаған әйел ұсталды появились сначала на Азаттық ньюс.

Түзету балабақшасының қызметкерлері балаларды ұрып-соққан

Жазира Бағланқызы — Mon, 30 Jun 2025 05:41:13 +0000

Түзету балабақшасының қызметкерлері балаларды ұрып-соққан

Қостанайда түзету балабақшасының қызметкерлері балаларды ұрып-соққан, деп хабарлайды «Азаттық-Ньюс» Ақпараттық агенттігі.

Қостанай қаласындағы жекеменшік түзету орталығы «Аманат и К» балабақшасында балаларға зорлық-зомбылық көрсетілгені анықталды.

Ата-аналардың айтуынша, балабақшада балалар аш жүрген, оларға дұрыс күтім көрсетілмеген. Одан бөлек, тәрбиешілердің балаларға қол көтергені белгілі болды. Кейбір бүлдіршіндердің денесінде көгерген іздер байқалған. Медициналық тексеру нәтижесінде бірнеше балада ми шайқалуы мен жабық бас-ми жарақаты анықталған.

Облыстық Полиция департаменті бұл фактіге байланысты Қылмыстық кодекстің 140-бабы (Кәмелетке толмаған баланы тәрбиелеу жөніндегі міндеттерді орындамау) бойынша сотқа дейінгі тергеу басталғанын хабарлады.

Басқа да жаңалықтарды оқи отырыңыз.

Қаралған саны: 235

Бөлісу:

АЙДАРЛАР

Басқа да мақалалар

Сообщение Түзету балабақшасының қызметкерлері балаларды ұрып-соққан появились сначала на Азаттық ньюс.