Бұдан былай күйеуімен ажырасқан әйелдер әлеуметтік желіде пікір жаза алмауы мүмкін, деп хабарлайды «Азаттық-Ньюс» Ақпараттық агенттігі.

Қырғызстандағы министрлер кабинетінің төрағасы Ақылбек Жапаров әлеуметтік желідегі әйелдер құқығын шектеу туралы баяндады. Ол өзінің орынбасары Эдил Байсаловқа желідегі жазбаларға мониторинг жасауды тапсырды. Төрағаның айтуынша, ажырасқан әйелдер бұрынғы күйеуі мен оның ата-анасы туралы жаман пікір білдірмеуі тиіс.

• Біз салт-дәстүрімізге қайшы келетін ақпараттарды таратуды тоқтатуымыз керек. Кейбір келіндер туған әкесін мақтап, қайын атасы мен енесін даттайды. Ал ажырасқан кезде осындай пікірлерін әлеуметтік желіде жазады. Бұл өнеге алатын іс емес. Енелер қысқа киім кимесін, ал келіндер басынан орамалын тастамауы керек, деді МИНИСТРЛЕР КАБИНЕТІНІҢ ТӨРАҒАСЫ АҚЫЛБЕК ЖАПАРОВ.