Әкім сайлауы өтетін ауылдар

16002746 0 72 3496 2048 1920x0 80 0 0 59e9330be29fd3458775dd03b14b7d77

Биыл Сыр өңірінде 25 кент және округ әкімдерінің өкілеттілік мерзімі аяқталады. Осыған сәйкес, сайлау өтетін ауылдар белгілі болды, деп хабарлайды «Азаттық-Ньюс» Ақпараттық агенттігі.

Кент және ауылдық округ әкімдерін тікелей сайлау – Президент реформаларының бірі.

– Өткен жылы аймақта 38 ауыл әкімі сайланды. Олардың басым бөлігі – өзін-өзі ұсыну жолымен саяси науқанда бақ сынады. Биыл өңірде 25 кент және ауылдық округ әкімдерінің өкілеттілік мерзімі аяқталады. Осы кезге дейін 8 ауыл әкімі сайланды. Атап айтқанда 25 ақпан күні Жосалы, Иіркөл, Қармақшы ауылдық округінде, 17 наурыз күні Жаңақорған Қыраш ауылдық округінде, 21 сәуір күні Сарыкөл ауылдық округінде, 19 мамыр Жосалы кенті, ІІІ Интернационал, Ақжар ауылдық округтерінде әкім сайлауы өткізілді,-дейді Қызылорда облысының аумақтық сайлау комиссиясының төрағасы ӘДІЛБЕК ЕРСҰЛТАНОВ.

Еске салайық, 19 мамырда өткен Жосалы кенті, ІІІ Интернационал, Ақжар ауылдық округ әкімінің сайлауында 10 мыңға жуық сайлаушы дауыс беруге қатысып, өз таңдауларын жасады.

Ал, 16 маусымда Шиелі ауданының Еңбекші, Қарғалы, Жаңатұрмыс ауылдық округтер әкімінің сайлауы өтеді. Мұнда 2500-ге жуық сайлаушы дауыс беру құқығына ие.

ҚР Мемлекеттік жергілікті басқару және өзін-өзі басқару туралы заңға сәйкес әкімдер 4 жыл мерзімге сайланады.

Дегенмен, әкімдердің басқа қызметке ауысуы немесе өзге де себептеріне орай өкілеттілігі мерзімінен бұрын тоқтауына байланысты жаңадан сайлау ұйымдастырылады.

Қазіргі таңда Шиелідегі Ақмая, Тұран және Сырдария ауданындағы Аманкелді ауылдық округі әкімінің өкілеттілігі мерзімінен бұрын тоқтатылды. Енді осы ауылдарда әкім сайлауы өткізіледі.

Айта кету керек, аймақта 146 кент және ауылдық округ әкімі бар. Олардың 143-і ер, 3-і әйел азаматша.

Бөлісу:

Ваш адрес email не будет опубликован. Обязательные поля помечены *

АЙДАРЛАР

Басқа да мақалалар