Токио-Цюрих рейсінің жолаушысы инсульт алды. Әуе кемесінде денсаулығы нашарлағаны себепті ұшақ шұғыл түрле Астанаға қонуға мәжбүр болған, деп хабарлайды “Азаттық-Ньюс” Ақпараттық агенттігі.

Астана қалалық қоғамдық денсаулық сақтау басқармасының баспасөз қызметінің мәліметінше, жолаушының жағдайы ауыр.

“Ағымдағы жылдың 17 тамызында жедел жәрдем қызметімен №2 қалалық көпсалалы ауруханаға жедел ми қан айналымы бұзылған (инсульт) ер адам жеткізілді. Оның қазіргі жағдайы ауыр”, – деп хабарлады басқарма өкілі.

52 жастағы жапон азаматы “Халық денсаулығы және денсаулық сақтау жүйесі туралы” Кодексінің 88-бабының 5-тармағына сәйкес емделіп жатыр.