«Наурыз» жаңа тұрғын үй бағдарламасы іске қосылды

440790763 1997632993965536 5736626204910090947 n

Баспаналы болуға ниеттеніп жүрген жандар үшін қуанышты жаңалық. Елімізде «Наурыз» атты жаңа тұрғын үй бағдарламасы іске қосылды. Жаңа бағдарламаға барлық қазақстандықтың қатысуына мүмкіндік бар, деп хабарлайды «Азаттық-Ньюс» Ақпараттық агенттігі.

Тұрғын үй бағдарламасына қатысуға өтінімдерді қабылдау 30 маусымға дейін жалғасады. Бұл туралы Өңірлік коммуникациялар қызметінің ақпарат алаңында «Отбасы банкі» АҚ Қызылорда облысы бойынша филиалының директоры Әділжан Сәулебаев хабарлады.

«Мемлекет басшысы Атырауда өткен ұлттық құрылтайда «Наурыз» атты жаңа тұрғын үй бағдарламасының қосылатындығын хабарлаған болатын. Қазіргі таңда жаңа бағдарламаға өтінім қабылдау басталып кетті. Өтінімдерді «Баспана маркет» порталына жолдауға болады. «Наурыз» бағдарламасының негізгі шарттары мынадай: алғашқы жарна – 20 пайыздан басталады, азаматтардың барлық санаттары үшін несиелеу мөлшері 9 пайыз, ал әлеуметтік осал санаттағы жандар үшін 7 пайыздан басталады. Несиелеу мерзімі – 19 жыл. Бұл бағдарламаға барлық санаттағы азаматтар қатыса алады», – деді ӘДІЛЖАН СӘУЛЕБАЕВ.

Бағдарламаға қатысу үшін отбасы банкінде депозит шотын ашу керек, бірақ салым мерзімі ескерілмейді. Жинақ шотында кемі 1 млн теңге көлемінде қаражат болуы керек. Бұл қаржыны бағдарламаға қатысуға өтініш берер алдында аударуға болады. Сондай-ақ, соңғы 5 жыл ішінде азаматтардың және оның отбасы мүшелері меншігінде тұрғын үйдің болмауы тексеріледі. Жаңа тұрғын үй бағдарламасы 8 жылға арналған. Осы уақыт аралығында еліміздегі 68 мыңға жуық азамат қоныс тойын тойлайды деп жоспарлануда.

Бөлісу:

Ваш адрес email не будет опубликован. Обязательные поля помечены *

АЙДАРЛАР

Басқа да мақалалар