Түнгі сағат 12-лер шамасында жедел жәрдем фельдшеріне шабуыл жасалған, деп хабарлайды “Азаттық-Ньюс” Ақпараттық агенттігі.

Оқиға Ақтау қаласында орын алған.

Облыстық көпсалалы аурухананың дерегінше, ұрып-соғу салдарынан дәрігердің миы шайқалған, параорбитальды гематома, сондай-ақ бетінде көптеген көгеру болған. Жәбірленушіні дәрігерлер тексеріп, оған медициналық көмек көрсетіп, амбулаториялық ем алуға жібергені айтылды. 

Маңғыстау облысының Полиция департаменті аталмыш оқиғаға қатысты мәлімет берді.

“Бұзақылық жасады деген күдікті ұсталды. Полиция қылмыстық істі тергеп жатыр. Қазіргі уақытта тергеу шаралары жүргізіліп жатыр. Тергеу мүддесі үшін өзге де мәліметтер жарияланбайды”, – деп хабарлады ведомство.