Бүгін «AMANAT» партиясының алаңында филиал заңгері Сәбитбек Алшынбеков «Құқықтық көмек» партиялық жобасы аясында тұрғындарға заңнамалық кеңес берді, деп хабарлайды «Азаттық-Ньюс» Ақпараттық агенттігі.

Қабылдауға келген тұрғындар жеке тұлғалардың банкроттық процедурасын қолдану, жер телімдеріне қатысты даулы мәселелер және неке қатынастары мен алимент өндіру тақырыптары аясында өтініштерін білдірді.

Банкроттық рәсімін қолдану бойынша заң нормалары түсіндіріліп, шартары мен құжаттар жинақтау бойынша кеңестер берілді. Жер мәселесіне қатысты жазбаша өтініші алынып, құзырлы мекемелермен бірлесіп қарап, өтініш иесіне жауап ұсынылатыны айтылды.

Алимент өндіру бойынша өтініш иесіне құқықтық сүйемелдеу жүргізілді. Сотқа талап арыз жазып, сот кабинеті арқылы жолдауына көмек көрсетілді.