Екі азамат оқиға орнында көз жұмған, деп хабарлайды “Азаттық-Ньюс” Ақпараттық агенттігі.

Қайғылы жағдай Жамбыл облысының аумағында болған. “Қазақстан темір жолы” компаниясы өкілдерінің мәліметінше, Шу станциясы аумағында 4 қызметкер вагондардан түсіп қалған пойыз жабдықтарын іздеуге шыққан. Сол мезетте олардың екеуін №71 пойыз басып кеткен. Кейбір дерекөздерде сүйенсек,  марқұмдардың бірі 62, ал екіншісі 57 жаста болған. 

“Шығанақ-Шу учаскесінің маңында теміржол көлігінің екі қызметкері жазатайым оқиғаға ұшырады. Пойыз жүргізушісі тежегішті басқанымен апаттан құтыла алмады. Барлық мән-жайды анықтау үшін оқиға орнына ҚТЖ комиссиясы барды. Тергеу басталды”, – деп хабарлады ҚТЖ.