Қызылорда облыстық мәслихатының №112 шешімімен бекітілген абаттандыру қағидалары барлық тұрғындар мен мекемелер үшін міндетті. Онда көшелер мен аулаларды таза ұстау, ғимараттардың қасбеттерін ретке келтіру, рұқсатсыз қоқыс төкпеу, қалдықтарды арнайы орындарға шығару және санитариялық талаптарды сақтау нақты көрсетілген.

 

Рейд барысында тиісті сала мамандары мен жергілікті полиция қызметкерлері тазалық талаптарының орындалуын тексеріп, анықталған заңбұзушылықтар бойынша түсіндірме жұмыстарын жүргізді. Жеке және заңды тұлғаларға ескертулер беріліп, талаптарды сақтамаған жағдайда жауапкершілікке тартылатыны ескертілді.

 

Абаттандыру мен тазалықты сақтау – тек мемлекеттік мекемелердің емес, әрбір тұрғынның азаматтық борышы екенін тағы да еске саламыз.