Таза Қазақстан – таза аудан
Бүгін Шиелі ауданында «Таза Қазақстан» республикалық экологиялық акциясы аясында кезекті сенбілік ұйымдастырылды, деп хабарлайды «Азаттық-Ньюс» Ақпараттық агенттігі.
Сенбілік барысында аудан орталығы мен барлық ауылдық округтерде көшелер, қоғамдық орындар, саябақтар мен арық-атыздар тазаланып, арам шөптер жұлынды, рұқсатсыз төгілген қоқыстар жиналып, арнайы орындарға шығарылды.
⠀
Тазалық жұмыстарына аудан әкімдігіне қарасты бөлімдер, мекеме қызметкерлері, еріктілер, жастар ұйымдары мен ауыл тұрғындары біркісідей жұмылып, туған жердің көркеюіне өз үлестерін қосты.
⠀
Тазалық акциясы – тек сенбілік шарасы ғана емес, қоршаған ортаны қорғауға, санитариялық талаптарды сақтауға, экологиялық мәдениетті қалыптастыруға бағытталған игі бастама.