жаңалықтар — Азаттық ньюс

Цифрландыру үдерісін ілгерілету мәселелері қаралды

Жазира Бағланқызы — Mon, 28 Jul 2025 21:31:00 +0000

Цифрландыру үдерісін ілгерілету мәселелері қаралды

Бүгін Шиелі ауданының әкімі Айтбай Жандарбековтың төрағалығымен мәжіліс отырысы өтті, деп хабарлайды «Азаттық-Ньюс» Ақпараттық агенттігі.

Жиынға аудан әкімінің орынбасары, аудандық мәслихат төрағасы,“Amanat” партиясының аудандық филиалының атқарушы хатшысы, дербес бөлім басшылары, ауылдық округ әкімдері қатысты.

Мәжілісте аудан бойынша еңбек нарығын дамыту, тұрғындарды тұрақты әрі маусымдық жұмыспен қамту, жұмыссыздық деңгейін төмендету және цифрландыру үдерісін ілгерілету мәселелері жан-жақты қаралды.

Аудандық жұмыспен қамту және әлеуметтік бағдарламалар бөлімі мен цифрлық даму бағытындағы жауапты сала жетекшілері баяндамалар жасап, ағымдағы жағдай мен шешілуі тиіс негізгі проблемалар жайлы ақпарат берді.

Аудан әкімі Айтбай Жандарбеков еңбек нарығын дамытуда тек ресми көрсеткіштерге ғана емес, нақты нәтижеге мән беруді тапсырды. Әсіресе, әлеуметтік әлсіз топтарды қолдау, жастар мен ауыл тұрғындарының тұрақты табыс көзін табуына жағдай жасау, бос жұмыс орындарын дер кезінде ұсыну сынды мәселелерге ерекше назар аударылатынын айтты.Сонымен қатар, цифрлық сауаттылықты арттыру бағытында жүйелі түсіндірме жұмыстарын жүргізуді тапсырды.

Жиын соңында аудан басшысы барлық сала басшыларына нақты тапсырмалар жүктеп, олардың орындалу мерзімі мен сапасы қатаң бақылауда болатынын қадап айтты. Сонымен бірге, атқарылып жатқан жұмыстардың басты мақсаты – тұрғындардың әл-ауқатын жақсартып, өмір сүру сапасын арттыру екенін ерекше атап өтті.

Басқа да жаңалықтарды оқи отырыңыз.

Қаралған саны: 153

Бөлісу:

АЙДАРЛАР

Басқа да мақалалар

Сообщение Цифрландыру үдерісін ілгерілету мәселелері қаралды появились сначала на Азаттық ньюс.

Көлік салығы бойынша рейдтік іс-шара өтті

Жазира Бағланқызы — Sun, 27 Jul 2025 21:26:00 +0000

Көлік салығы бойынша рейдтік іс-шара өтті

Бүгін Шиелі ауданында көлік салығын төлемеген азаматтарды анықтау және түсіндіру мақсатында бірлескен рейдтік іс-шара өтті, деп хабарлайды «Азаттық-Ньюс» Ақпараттық агенттігі.

Шараға аудан әкімдігі, аудандық полиция бөлімі және аудандық мемлекеттік кірістер басқармасының мамандары қатысты. Рейд барысында көлік салығы бойынша қарызы бар тұрғындармен түсіндірме жұмыстары жүргізіліп, салықты уақтылы төлеу қажеттігі ескертілді.

Азаматтардың салықтық міндеттемелерін орындауы – заң талабы әрі ортақ жауапкершілік. Рейдтік жұмыстар күнделікті жалғасатын болады.

Басқа да жаңалықтарды оқи отырыңыз.

Қаралған саны: 159

Бөлісу:

АЙДАРЛАР

Басқа да мақалалар

Сообщение Көлік салығы бойынша рейдтік іс-шара өтті появились сначала на Азаттық ньюс.

«Ауыл күндері» – еңбек адамының мәртебесін арттыратын жоба

Жазира Бағланқызы — Thu, 24 Jul 2025 21:15:00 +0000

«Ауыл күндері» – еңбек адамының мәртебесін арттыратын жоба

емлекет басшысы Қасым-Жомарт Кемелұлы Тоқаевтың 2025 жылды «Жұмысшы мамандықтар жылы» деп жариялауына орай, Шиелі ауданында ауылдардың әлеуметтік-экономикалық әлеуетін арттырып, тұрғындардың белсенділігін ынталандыруды көздеген «Ауыл күндері» байқауы бастау алды, деп хабарлайды «Азаттық-Ньюс» Ақпараттық агенттігі.

Ауқымды байқау – ауыл тіршілігін жандандырып, еңбек адамдарының мәртебесін көтеруге, ынтымақ пен бірлікті арттыруға бағытталған.

Байқау аясында елді мекендерде абаттандыру жұмыстары, мәдени іс-шаралар, ауыл шаруашылығы өнімдерінің жәрмеңкелері ұйымдастырылып, жұмысшы мамандықтарының қоғамдағы рөлі кеңінен насихатталуда.

Бүгінгі байқауда Ақмая және Жиделіарық ауылдық округтерінің өнер ұжымдары «Руханият» орталығының алаңында көрермендерге арнап концерттік бағдарлама ұсынды. Ұлттық рухты көтеретін көріністер мен патриоттық әндер көпшілікке ерекше әсер сыйлап, ыстық ықыласқа бөленді.

«Ауыл күндері» аясындағы байқауға аудандық мәслихат төрағасы Мұрат Тұрабаев арнайы қатысып, тұрғындарға сәттілік тілеп, осындай игі бастамалардың ауыл өміріне тың серпін беретінін атап өтті.

Басқа да жаңалықтарды оқи отырыңыз.

Қаралған саны: 156

Бөлісу:

АЙДАРЛАР

Басқа да мақалалар

Сообщение «Ауыл күндері» – еңбек адамының мәртебесін арттыратын жоба появились сначала на Азаттық ньюс.

Жол сапасын арттыру жұмыстары қарқынды жүруде

Жазира Бағланқызы — Thu, 24 Jul 2025 20:51:00 +0000

Жол сапасын арттыру жұмыстары қарқынды жүруде

Шиелі ауданында автомобиль жолдарын жаңғырту және ауылішілік жолдардың сапасын арттыру бағытында жүйелі жұмыстар жүргізілуде, деп хабарлайды «Азаттық-Ньюс» Ақпараттық агенттігі.

Бұл туралы бүгін Өңірлік коммуникациялар қызметінің ақпарат алаңында Шиелі ауданының әкімі Айтбай Жандарбеков баяндады.

— Аудан аумағында 323 шақырымнан астам автомобиль жолы бар. Оның 80 шақырымы республикалық, 98 шақырымы облыстық, ал 145 шақырымы аудандық маңызға ие. Қазіргі таңда аудандық маңызы бар жолдардың басым бөлігі — шамамен 90 пайызы жақсы және қанағаттанарлық жағдайда. «Самара–Шымкент» трассасының 8 шақырымын қайта құру жұмыстары жалғасуда, ал биылғы жылы осы бағыттағы жұмыстарға республикалық бюджеттен қомақты қаржы бөлінді. Сонымен қатар, «Ауыл — Ел бесігі» бағдарламасы аясында 5 ауылдық округтегі ұзындығы 24 шақырымнан астам 29 көшеде күрделі жөндеу жұмыстары жүріп жатыр. Бұдан бөлек, аудан орталығындағы бірқатар көшелерді асфальттау және ауылішілік жолдарға қиыршық тас төсеу жұмыстары жоспарға сай орындалуда. Біздің басты мақсат — тұрғындар үшін қолайлы жол инфрақұрылымын қалыптастыру, — деді аудан әкімі.

Басқа да жаңалықтарды оқи отырыңыз.

Қаралған саны: 160

Бөлісу:

АЙДАРЛАР

Басқа да мақалалар

Сообщение Жол сапасын арттыру жұмыстары қарқынды жүруде появились сначала на Азаттық ньюс.

Маңызды медициналық нысандардың құрылысы жүргізілуде

Жазира Бағланқызы — Thu, 24 Jul 2025 20:47:00 +0000

Маңызды медициналық нысандардың құрылысы жүргізілуде

Шиелі ауданында «Ауылдық денсаулық сақтауды жаңғырту» ұлттық пилоттық жобасы аясында бірқатар маңызды медициналық нысандардың құрылысы жүргізілуде, деп хабарлайды «Азаттық-Ньюс» Ақпараттық агенттігі.

Бұл туралы бүгін Өңірлік коммуникациялар қызметінің ақпарат алаңында Шиелі ауданының әкімі Айтбай Жандарбеков мәлімдеді.

— Денсаулық сақтау — біздің аудан үшін ең маңызды бағыттардың бірі. Қазіргі таңда Шиелі кентінде 30 төсектік жұқпалы аурулар бөлімінің жаңа ғимараты бой көтеріп жатыр. Құрылыс жұмыстары жоспарға сай жүріп, нысанды қыркүйек айында пайдалануға беруді көздеп отырмыз. Сондай-ақ ауданаралық аурухана базасында қосымша корпус салынып, оған МРТ құрылғысын орнату жұмыстары жоспарланған. Бұл тұрғындар үшін жоғары технологиялы диагностикалық қызметтің қолжетімділігін айтарлықтай арттырады. Бұдан бөлек, «Болашақ» дәрігерлік амбулаториясын күрделі жөндеу жұмыстары жүріп жатыр. Барлық жобалар аудан халқының денсаулығын жақсартуға және медициналық қызмет сапасын жаңа деңгейге көтеруге бағытталған, — деді Айтбай Насриддинұлы.

Басқа да жаңалықтарды оқи отырыңыз.

Қаралған саны: 155

Бөлісу:

АЙДАРЛАР

Басқа да мақалалар

Сообщение Маңызды медициналық нысандардың құрылысы жүргізілуде появились сначала на Азаттық ньюс.

Білім беру сапасын арттыру бағытында нақты шаралар қолға алынуда

Жазира Бағланқызы — Thu, 24 Jul 2025 20:43:00 +0000

Білім беру сапасын арттыру бағытында нақты шаралар қолға алынуда

Шиелі ауданында білім беру сапасын арттыру, мектепке дейінгі ұйымдардың жұмысын жетілдіру бағытында нақты шаралар қолға алынуда, деп хабарлайды «Азаттық-Ньюс» Ақпараттық агенттігі.

— Ауданда жалпы білім беретін 38 мемлекеттік, 2 жеке мектеп, 18 мемлекеттік және 75 жеке балабақша жұмыс істейді. Үш ауысымда оқыту немесе апатты жағдайда тұрған білім мекемелері жоқ. Биылғы ҰБТ қорытындысы бойынша ауданның орташа балы 84,3 болып, аймақтағы үздік төрт ауданның қатарындамыз. Балаларымыздың алаңсыз білім алуына барлық жағдайды жасау — басты міндетіміз. Осы тұрғыда «Сыр ұланы» лагері мен «Қарлығаш» балабақшасындағы ескі, қауіпті қоршаулар жаңартылып, орнына заманауи әрі қауіпсіз қоршаулар орнатылды. Сонымен қатар аудан бойынша жеке балабақшаларға жүргізілген жоспарлы мониторинг жұмыстары барысында заң талаптарын сақтамаған 25 балабақша тізімнен шығарылып, мемлекеттік тапсырыс тоқтатылды. Бұл шаралар мектепке дейінгі білім беру сапасын арттыруға және ата-аналардың сенімін күшейтуге бағытталған,-деді Айтбай Насраддинұлы.

Басқа да жаңалықтарды оқи отырыңыз.

Қаралған саны: 158

Бөлісу:

АЙДАРЛАР

Басқа да мақалалар

Сообщение Білім беру сапасын арттыру бағытында нақты шаралар қолға алынуда появились сначала на Азаттық ньюс.

Шиеліде абаттандыру жұмыстары қарқын алуда

Жазира Бағланқызы — Thu, 24 Jul 2025 20:38:00 +0000

Шиеліде абаттандыру жұмыстары қарқын алуда

Аудан әкімі Айтбай Жандарбековтің қатысуымен өткен брифинг барысында Шиелі кентіндегі абаттандыру, көркейту-көгалдандыру және жол жөндеу бағытында атқарылып жатқан жұмыстар бойынша мәлімет берілді, деп хабарлайды «Азаттық-Ньюс» Ақпараттық агенттігі.

2025 жылы аудан орталығын абаттандыруға 977 млн теңге қаржы бөлініп, бұл қаражат келесі бағыттарға бағытталуда:

Дәулеткерей көшесі, Байтұрсынов–Жақаев көшелерінің қиылысы:

• Заманауи үлгідегі 22 дана екіжақты түнгі жарық шамдары орнатылды

• Жаяу жүргіншілер жолдары мен жол жиегіне дейін тас төсеу жұмыстары жүргізілді

И.Әбдікәрімов көшесі бойындағы Руханият орталығы ауласы:

• Тамшылатып суару жүйесімен көгалдандырылды

• Субұрқақ, заманауи жарық шамдары, отырғыштар орнатылып, көрікті демалыс аймағына айналды

Жайлыбаев және Д.Смайылов көшелерінде автожолдарды күрделі жөндеу басталды

Шиелі кентіне Бизнес-инкубатор нысанын орнату жұмыстары қолға алынды

Сонымен қатар, демеушілер қолдауымен:

№244 және №48 мектептер жанынан балалар ойын алаңдары мен шағын футбол алаңдары салынды

«АУЫЛ АМАНАТЫ» – ХАЛЫҚТЫҢ ТАБЫСЫН АРТТЫРУ ЖОБАСЫ

Мемлекет басшысы Қасым-Жомарт Тоқаевтың бастамасымен іске асып жатқан «Ауыл аманаты» жобасы ауыл халқының табысын арттыруға, кәсіпкерлікті дамытуға және жаңа жұмыс орындарын ашуға бағытталған.

Шиелі кентінде бұл жоба аясында жаңа кәсіпкерлік нысандар ашылып, өз жұмысын бастады.

Соңғы үш жылда аудан бойынша жалпы құны 968,1 млн теңгені құрайтын 135 жоба қаржыландырылып, нәтижесінде жаңа жұмыс орындары ашылып, шағын және орта бизнес айтарлықтай дамыды.

Абаттандыру мен кәсіпкерлікті қолдау – тұрғындар өмірінің сапасын арттыруға бағытталған маңызды қадамдар.

Басқа да жаңалықтарды оқи отырыңыз.

Қаралған саны: 160

Бөлісу:

АЙДАРЛАР

Басқа да мақалалар

Сообщение Шиеліде абаттандыру жұмыстары қарқын алуда появились сначала на Азаттық ньюс.

Шиелі ауданында ауқымды құрылыс және инфрақұрылым жобалары жүзеге асуда

Жазира Бағланқызы — Thu, 24 Jul 2025 20:34:00 +0000

Шиелі ауданында ауқымды құрылыс және инфрақұрылым жобалары жүзеге асуда

Аудан әкімі Айтбай Жандарбеков құрылыс, инфрақұрылым, денсаулық сақтау және білім беру бағытында аудан көлемінде атқарылып жатқан ауқымды жобалар бойынша БАҚ өкілдеріне брифинг өткізіп, нақты мәліметтермен бөлісті, деп хабарлайды «Азаттық-Ньюс» Ақпараттық агенттігі.

Әлеуметтік нысандар, тұрғын үй құрылысы, инженерлік инфрақұрылым жүйелерін жаңарту, денсаулық сақтау саласын дамыту – барлығы аудан халқының өмір сапасын арттыруға бағытталған.

Бүгінгі таңда:

Жаңа мектептер мен денсаулық сақтау мекемелері салынуда

Көпқабатты үйлер жөнделіп, ауыл көшелері жаңғыртылуда

Су, газ және электрмен жабдықтау жүйелері жаңартылып жатыр

Мәдениет, спорт, жастарға арналған нысандар бой көтеруде

Құрылыс пен даму – тұрғындар үшін жайлы орта қалыптастырудың, әлеуметтік тұрақтылық пен экономикалық серпіннің басты негізі екенін атап өткен аудан басшысы, барлық жобалардың тиімді жүзеге асуына баса назар аударылатынын жеткізді.

Басқа да жаңалықтарды оқи отырыңыз.

Қаралған саны: 156

Бөлісу:

АЙДАРЛАР

Басқа да мақалалар

Сообщение Шиелі ауданында ауқымды құрылыс және инфрақұрылым жобалары жүзеге асуда появились сначала на Азаттық ньюс.

Инвестиция – аудан дамуының негізі

Жазира Бағланқызы — Thu, 24 Jul 2025 20:27:00 +0000

Инвестиция – аудан дамуының негізі

Аудан әкімі Айтбай Жандарбеков бұқаралық ақпарат құралдарына арналған брифинг өткізіп, Шиелі ауданында жүзеге асырылып жатқан және 2025 жылы басталатын ірі инвестициялық жобалар туралы мәлімет берді, деп хабарлайды «Азаттық-Ньюс» Ақпараттық агенттігі.

2025 жылы жалпы құны 68,2 млрд теңгені құрайтын 9 ірі инвестициялық жоба жүзеге асырылады деп жоспарлануда. Бұл жобалар іске қосылғанда 233 адам тұрақты жұмыспен қамтылса, құрылыс кезеңінде 700 адамға дейін жұмысқа тартылатын болады. «Тесис» ЖШС – 40 МВт күн электр станциясыЖоба құны – 11,5 млрд тг Құрылыс кезеңінде – 85 адам Іске қосылғанда – 10 адам80 га жер телімі берілді 2025 жылдың IV тоқсанында іске қосылады «VIGOR Holding» ЖШС – 20 МВт күн электр станциясыЖоба құны – 6 млрд тг Құрылыс кезеңінде – 30 адам Іске қосылғанда – 6 адам30 га жер телімі 2025 жылы іске қосылады «Uranus Wind» ЖШС – 50 МВт жел электр станциясыЖоба құны – 16,5 млрд тг Құрылыс жұмыстары 2025 жылы басталады 12 адам тұрақты жұмыспен қамтылады10 га жер телімі 2026 жылы іске қосу көзделуде «Altyn Dala Energy ltd.» – 60 МВт күн электр станциясыЖоба құны – 20,6 млрд тг 18 адам жұмыспен қамтылады223 га жер телімі 2026 жылға жоспарланған «Табиғи тас Қызылорда» ЖШС – Әк және қиыршық тас өндіру зауытыЖоба құны – 12,3 млрд тг 85 жаңа жұмыс орны10 га жер сұралған Қиыршық тас зауыты 2025 жылы іске қосылады «Эко Энерджи Плюс» ЖШС – Газ заправкасы және сервис кешеніЖоба құны – 1,5 млрд тг 27 адам жұмыспен қамтылады2 га жер (Тұран а/о) Құрылыс 2025 жылдың мамырында басталады «Ақмая» ШҚ – Күріш ақтау зауытыЖоба құны – 300 млн тг 10 адам жұмыспен қамтылады 2025 жылы іске қосылады «Таң ЛТД» ЖШС – Жүгері өңдеу кешеніЖоба құны – 200 млн тг 15 адам жұмыспен қамтылды 2025 жылы іске қосылады «Transshipment 1» ЖШС – Сұйық реагенттер қоймасы (күкірт қышқылы)Жоба құны – 1,5 млрд тг 50 адам жұмыспен қамтылады Құрылыс аяқталды, іске қосуға дайын Жыл сайын ауданда жүзеге асырылатын инвестициялық жобалар саны артып келеді. Бұл – аудан экономикасының тұрақты дамуының, жұмыс орындарының көбеюінің және тұрғындар әл-ауқатының жақсаруының айқын көрінісі.

Басқа да жаңалықтарды оқи отырыңыз.

Қаралған саны: 157

Бөлісу:

АЙДАРЛАР

Басқа да мақалалар

Сообщение Инвестиция – аудан дамуының негізі появились сначала на Азаттық ньюс.

Шиеліде инфрақұрылым мен медицина нысандары жаңартылуда

Жазира Бағланқызы — Thu, 24 Jul 2025 11:30:04 +0000

Шиеліде инфрақұрылым мен медицина нысандары жаңартылуда

Соңғы жылдары елімізде шалғай өңірлердің инфрақұрылымын жаңарту, тұрғындарға сапалы медицина мен жайлы өмір сүру жағдайын жасау бағытында ауқымды жобалар қолға алынуда, деп хабарлайды «Азаттық-Ньюс» Ақпараттық агенттігі.

Ауыл – елдің алтын діңгегі. Ал сол ауылдың бүгінгі көрінісі – ертеңгі ұрпақтың болмысы. Соңғы жылдары елімізде шалғай өңірлердің инфрақұрылымын жаңарту, тұрғындарға сапалы медицина мен жайлы өмір сүру жағдайын жасау бағытында ауқымды жобалар қолға алынуда. Бұл тұрғыда Қызылорда облысы, Шиелі ауданы да дамудың жаңа кезеңіне аяқ басты.

Заманауи амбулаторияға жан бітіп келеді
Халық денсаулығы – мемлекет байлығы. Осы ұстанымды негізге алған бастамалардың бірі – Шиелі кентіндегі «Болашақ» дәрігерлік амбулаториясының күрделі жөндеуден өтуі. 255 миллион теңге қаржы бөлінген бұл жоба бүгінде қарқынды жүзеге асуда. Құрылыс жұмыстарын «Жабдықтау» ЖШС атқаруда. Бұл жаңарту тек ғимараттың емес, халықтың медициналық қызметке деген сенімін де қайта түлетпек.

Жол – тіршіліктің күретамыры
«Жол – өмір желісі» дейді халық. Кенттің шығыс бөлігінде басталған жол және инженерлік инфрақұрылым тарту жұмыстары – соның айқын көрінісі. Жалпы құны 312,5 млн теңгені құрайтын бұл жоба бірнеше кезеңмен жүзеге асырылуда. Бірінші кезеңге 211,8 млн, екінші кезеңге 17,5 млн, үшіншіге 107,4 млн, ал төртінші кезеңге 132,5 млн теңге бөлінген.

Тіршілік нәрі – таза су
Ауызсумен қамту мәселесі де назардан тыс қалған жоқ. Сумен жабдықтауға арналған жобалар үш кезең бойынша жүргізілуде. Бірінші кезеңге – 193,2 млн, екіншіге – 99,7 млн, үшінші мен төртінші кезеңге – 130,1 млн теңге бөлінген. Бұл – тіршіліктің өзегіне айналған мәселені жүйелі шешуге бағытталған нақты қадам.

Байсынның болашағы бекем
Жаңатұрмыс ауылдық округіне қарасты Байсын елді мекенінде де жаңғыру желі соғуда. Ауылға электр, су және газ тарту үшін несие қаражаты есебінен 762,9 млн теңге бөлініп отыр. Оның ішінде 152 млн – жарыққа, 346,6 млн – ауызсуға, 264,3 млн – газдандыруға бағытталған. Бұл – жай ғана сандар емес, ауылдың жарқын келешегіне жол ашатын батыл шешімдер.

Тұрғын үйлердің келбеті көркейіп келеді
2024 жылы көпқабатты тұрғын үйлердің қасбеттері мен шатырларын жөндеу де қолға алынды. Бұл бастама тұрғындардың тікелей ұсыныстары негізінде жүзеге аспақ. Елдің үні ескеріліп, ескі үйлер жаңғыра түскеніне бір мысал осы.
Бұл өзгерістер – ауылға деген қамқорлықтың, елге деген сенімнің белгісі. Шиелі мен оған қарасты ауылдарда қолға алынған аталмыш жобалар дамуға, болашақтың берік іргетасын қалауға зор үлес қосады.

Басқа да жаңалықтарды оқи отырыңыз.

Қаралған саны: 372

Бөлісу:

АЙДАРЛАР

Басқа да мақалалар

Сообщение Шиеліде инфрақұрылым мен медицина нысандары жаңартылуда появились сначала на Азаттық ньюс.