azattyq news — Азаттық ньюс

Абай: Ұлт руханиятының ұлы мерекесі

Жазира Бағланқызы — Mon, 11 Aug 2025 07:08:47 +0000

Абай: Ұлт руханиятының ұлы мерекесі

Абай облысында ұлы ойшыл, хәкім Абай Құнанбайұлының 180 жылдық мерейтойына арналған онкүндік аясындағы басты шаралар ақынның туған жері — Абай ауданында ұйымдастырылды.
“Абай күніне” арналған салтанатты жиынға Парламент Сенатының төрағасы Мәулен Әшімбаев бастаған делегация, Парламент Сенаты мен Мәжілісінің депутаттары, Бас мүфти Наурызбай қажы Тағанұлы, халық жазушысы Төлен Әбдік, Жазушылар одағының төрағасы Мереке Құлкенов, Шығыс Қазақстан облысының әкімі Нұрымбет Сақтағанов және өзге де құрметті қонақтармен қатар, Сыр өңірінің делегациясы да қатысты.

Мәулен Әшімбаев шараның ашылуында сөз сөйлеп, Мемлекет басшысы Қасым-Жомарт Кемелұлы Тоқаевтың мерейтойға арналған құттықтау хатын оқып берді. Президент өз хатында Абай мұрасының адамзаттық маңызын атап өтіп, ақын шығармашылығын терең зерттеу мен насихаттаудың қажеттілігін айтты.
Облыс әкімі Берік Уәли де құттықтау сөз сөйлеп, мерейтой биыл алғаш рет онкүндік форматында өткенін және мерекелік шаралардың ел игілігіне қызмет ететін жобалармен толыққанын жеткізді.

Сыр өңірінен келген делегация Жидебай ауылына барып, ұлы ақынның басына зиярат жасады. Қызылорда облысының өкілдері Абай ескерткішіне гүл шоқтарын қойып, хәкімнің кесенесіне тағзым етті. Делегация мүшелері сондай-ақ ақынның өмір сүрген үйін аралап, бүгінде музейге айналған тарихи орынмен танысты. Мұнда олар Абайдың жеке қолданған бұйымдарын, қолжазбаларын, шығармашылық мұрасын айғақтайтын жәдігерлерді көріп, ұлы ойшылдың өмір жолына терең бойлады.
Бұл сапар Сыр елі мен Абай елі арасындағы бауырмалдық байланыс пен рухани сабақтастықты тағы да айқын көрсетті. Халық даналығы мен ұлы мұраның киелі мекенінде өткен мерейлі кездесулер қатысушылардың жүрегінде өшпес із қалдырды.

Басқа да жаңалықтарды оқи отырыңыз.

Қаралған саны: 167

Бөлісу:

АЙДАРЛАР

Басқа да мақалалар

Сообщение Абай: Ұлт руханиятының ұлы мерекесі появились сначала на Азаттық ньюс.

Шиелі ауданының әкімі жеке қабылдау өткізді

Жазира Бағланқызы — Wed, 06 Aug 2025 12:01:19 +0000

Шиелі ауданының әкімі жеке қабылдау өткізді

Бүгін Шиелі ауданының әкімі Айтбай Жандарбеков аудан тұрғындарын жеке мәселелері бойынша кезектілік тәртібімен қабылдады.

Қабылдау барысында тұрғындар тұрғын үй, жер алу, тұрақты жұмысқа орналасу және өзге де әлеуметтік мәселелерін көтерді. Аудан басшысы әрбір азаматтың өтінішін мұқият тыңдап, заң аясында түсіндірулер беріп, шешу жолдарын қарастырды.

Жұмыс сұраған азаматтарға аудандағы мекемелер мен кәсіпкерлік нысандардағы бос жұмыс орындары ұсынылды. Қоғамдық жұмыстар мен қайта даярлау курстарына қатысу мүмкіндіктері қарастырылды.

Ал тұрғын үйге қатысты сұрақтарға – мемлекеттік бағдарламалар аясында баспанамен қамту жұмыстары кезең-кезеңімен жүзеге асырылып жатқаны айтылды.

Қабылдауға келген әрбір мәселе бойынша зерттеулер жүргізіліп, заң талаптарына сай шешім қабылданатын болады.

Айта кетейік, аудан әкімінің жеке қабылдауына жазылу үшін egov.kz порталы, e-otinish базасы немесе әкімдікке келіп, жазбаша өтініш қалдыру арқылы тіркелуге болады.

Басқа да жаңалықтарды оқи отырыңыз.

Қаралған саны: 153

Бөлісу:

АЙДАРЛАР

Басқа да мақалалар

Сообщение Шиелі ауданының әкімі жеке қабылдау өткізді появились сначала на Азаттық ньюс.

Қызылордада «TikTok» арқылы терроризмді насихаттаған әйел ұсталды

Жазира Бағланқызы — Wed, 06 Aug 2025 11:59:39 +0000

Қызылордада «TikTok» арқылы терроризмді насихаттаған әйел ұсталды

Қызылордада «TikTok» арқылы терроризмді насихаттаған әйел ұсталды, деп хабарлайды «Азаттық-Ньюс» Ақпараттық агенттігі.

Облыстық полиция департаменті экстремизмге қарсы іс-қимыл басқармасының және Ұлттық қауіпсіздік комитеті Қызылорда облысы және Байқоңыр қаласы бойынша департаментінің қызметкерлері жедел іздестіру кезінде деструктивті діни ағым өкілін ұстады.

Нәтижесінде Қызылорда қалалық сотының үкімімен әйел кінәлі деп танылып, оған 7 жыл мерзімге бас бостандығынан айыру жазасы тағайындалды.

Басқа да жаңалықтарды оқи отырыңыз.

Қаралған саны: 253

Бөлісу:

АЙДАРЛАР

Басқа да мақалалар

Сообщение Қызылордада «TikTok» арқылы терроризмді насихаттаған әйел ұсталды появились сначала на Азаттық ньюс.

Жастардың күші — табиғаттың тынысы

Жазира Бағланқызы — Sat, 02 Aug 2025 11:53:36 +0000

Жастардың күші - табиғаттың тынысы

12 тамыз – Халықаралық жастар күніне орай Шиелі ауданында «Таза Қазақстан» экологиялық акциясы аясында кең көлемді сенбілік өтті.

Шараның басты мақсаты – жастардың табиғатқа деген жанашырлығын арттыру, экологиялық мәдениетті қалыптастыру және қоршаған ортаны қорғауға бағытталған игі бастамаларға қолдау көрсету.

Сенбілікке ауданның белсенді жастары, дербес бөлімдер мен ауылдық округтердің қызметкерлері, еріктілер, жастар ұйымдары мен білім саласының өкілдері белсене қатысты. Акцияға қатысушылар кент пен ауылдарда тазалық жұмыстарын жүргізіп, көшелер мен қоғамдық орындарды тұрмыстық қалдықтардан тазартып, табиғатты қорғауға өз үлестерін қосты.

Қоршаған ортаның тазалығы – әрбір азаматтың ортақ міндеті. Табиғатты аялау – болашаққа жасалған маңызды қадам.

«Таза Қазақстан» акциясы аясындағы экологиялық бастамалар алдағы уақытта да жалғасын табатын болады.

Басқа да жаңалықтарды оқи отырыңыз.

Қаралған саны: 150

Бөлісу:

АЙДАРЛАР

Басқа да мақалалар

Сообщение Жастардың күші — табиғаттың тынысы появились сначала на Азаттық ньюс.

Қызылорда – қарқынды өсім мен мүмкіндіктер қаласы

Жазира Бағланқызы — Sat, 26 Jul 2025 09:58:54 +0000

Қызылорда – қарқынды өсім мен мүмкіндіктер қаласы

Қызылорда қаласының әкімі Нұржан Ахатов — туған жердің тыныс-тіршілігін жетік білетін, тәжірибесі мол азамат. Ол мемлекеттік қызметке ширек ғасыр бұрын қарапайым мамандықтан бастап, түрлі басшылық лауазымдарда шыңдалып, бүгінде қаланы дамудың жаңа кезеңіне бастап отыр.

2025 жылдың алғашқы жартыжылдығында Қызылорда қаласы 21,1 млрд теңге кіріс жинап, жоспарды 110,6%-ға орындады. Бұл жетістік – жергілікті экономикада жүргізілген реформа мен мүлікті әділ бағалаудың нәтижесі. Мысалы, құны 1,4 млрд теңгелік нысандар қайта бағаланып, 4,7 млрд теңгеге жетті. Тиісінше, салық түсімі еселеп артты.

Бүгінде Қызылорда облыс орталығы облыстың жалпы экономикалық көрсеткіштерінің жартысын қамтамасыз етуде. Қалаға тартылған инвестиция көлемі – 147,5 млрд теңге, құрылыс жұмыстары – 59,3 млрд теңге. Тұрғын үй құрылысы да қарқын алып, биылдың өзінде 400 пәтерлік 10 үй салынып жатыр. Апатты үйлер мәселесі кезең-кезеңімен шешілуде.

Қалада жаңа «Қорқыт ата» арнайы экономикалық аймағы құрылып, 2049 жылға дейін 156 млрд теңге инвестиция тарту көзделіп отыр. Бұл – 3 000-нан астам жаңа жұмыс орны мен 500 млрд теңгеден астам өндірістік өнім.

Инфрақұрылым мен абаттандыру бағытында да ілкімді істер атқарылуда. 61,9 шақырым жол жөнделіп, 24 шақырым жаяу жүргіншілер жолы салынуда. Қоғамдық көлік толық жаңартылып, 300 автобус пен 100 экотакси қала тұрғындарына қызмет етуде. Жол-көлік көпірлері мен теміржол асты өткелдері құрылысы да қарқынды жүріп жатыр.

Көгалдандыру мен экология бағытында заманауи технологиялар қолданылуда. 46 мың ағаш, 800 мың гүл отырғызылып, 10 мың шаршы метр көгал төселді. «Жасыл белдеу» жобасы аясында 2030 жылға дейін 2,5 млн ағаш отырғызу көзделген.

Қаланың даму қарқыны – аймақ басшылығының жүйелі жұмысы мен қала әкімдігінің табанды еңбегінің нәтижесі. Қызылорда бүгінде – әлеуметтік тұрақтылықтың, экономикалық өсімнің және жарқын болашақтың мекені.

Басқа да жаңалықтарды оқи отырыңыз.

Қаралған саны: 382

Бөлісу:

АЙДАРЛАР

Басқа да мақалалар

Сообщение Қызылорда – қарқынды өсім мен мүмкіндіктер қаласы появились сначала на Азаттық ньюс.

Туризм – ел дамуының драйвері

Жазира Бағланқызы — Mon, 14 Jul 2025 10:36:38 +0000

Туризм – ел дамуының драйвері

Бүгін қала әкімі Нұржан Ахатовтың төрағалығымен туристік аймақтарға келушілерге қолайлы жағдай жасау және қауіпсіздігін қамтамасыз ету бойынша арнайы мәжіліс өтті.

Жиында қала аумағынан өтетін «Батыс Еуропа – Батыс Қытай» халықаралық автомобиль дәлізінің бойындағы сервистік кешендердің қызмет көрсету сапасын арттыру тапсырылды. Сондай-ақ, күре жолдағы қоғамдық орындардың күтімі, тазалық тәртібі күнделікті бақылауда болуы міндеттелді. Сонымен қатар, тарихи ескерткіштер аумағының тазалығы, жазғы уақытта қоғамдық тамақтану мен суға шомылу орындарындағы санитарлық талап, қауіпсіздік мәселелері кеңінен талқыланды.

–Жол бойында, демалыс орындарында санитарлық талап пен қауіпсіздікті қамтамасыз ету – туристік имиджді нығайтудың көзі. Сондықтан келушілерге жайлы жағдай жасау үшін барлық мүмкіндіктер қарастырылу қажет, – деген Нұржан Сәбитұлы жауапты сала басшыларына ауқымды міндеттер жүктеді.

Жалпы, туризм – тек табыс көзі ғана емес, сонымен қатар төл мәдениетімізді, терең тарихымызды, табиғи байлығымызды әлемге танытудың тиімді тетігі. Бұған өңірдегі қоғамдық саяси жағдайдың тұрақтылығы, жан-жақты даму деңгейі, сервистік қызмет көрсету орындарының сапалы қызметі де ықпал етеді.

Басқа да жаңалықтарды оқи отырыңыз.

Қаралған саны: 166

Бөлісу:

АЙДАРЛАР

Басқа да мақалалар

Сообщение Туризм – ел дамуының драйвері появились сначала на Азаттық ньюс.

«Ескі базар» аумағындағы көшелерге жөндеу жұмыстары жүруде

Жазира Бағланқызы — Thu, 10 Jul 2025 09:40:01 +0000

«Ескі базар» аумағындағы көшелерге жөндеу жұмыстары жүруде

Елдің сұранысымен халық көп шоғырланатын «Ескі базар» аумағындағы көшелерге жөндеу жұмыстары жүруде, деп хабарлайды «Азаттық-Ньюс» Ақпараттық агенттігі.

Жол-көлік инфрақұрылымын дамыту бағыты бойынша жолдың жайлылығын, көлік қозғалысының қауіпсіздігін қамтамасыз ететін бұл шаруалар өз жемісін беруде.

Айта кету керек, аймақ басшысының қолдауымен қала көлемінде жол жағдайы жақсарып, көлік қатынасына кедергі азайды. Бүгінде жақсы жағдайдағы жолдар үлесі 95 пайызға жетті.

Басқа да жаңалықтарды оқи отырыңыз.

Қаралған саны: 173

Бөлісу:

АЙДАРЛАР

Басқа да мақалалар

Сообщение «Ескі базар» аумағындағы көшелерге жөндеу жұмыстары жүруде появились сначала на Азаттық ньюс.

Түзету балабақшасының қызметкерлері балаларды ұрып-соққан

Жазира Бағланқызы — Mon, 30 Jun 2025 05:41:13 +0000

Түзету балабақшасының қызметкерлері балаларды ұрып-соққан

Қостанайда түзету балабақшасының қызметкерлері балаларды ұрып-соққан, деп хабарлайды «Азаттық-Ньюс» Ақпараттық агенттігі.

Қостанай қаласындағы жекеменшік түзету орталығы «Аманат и К» балабақшасында балаларға зорлық-зомбылық көрсетілгені анықталды.

Ата-аналардың айтуынша, балабақшада балалар аш жүрген, оларға дұрыс күтім көрсетілмеген. Одан бөлек, тәрбиешілердің балаларға қол көтергені белгілі болды. Кейбір бүлдіршіндердің денесінде көгерген іздер байқалған. Медициналық тексеру нәтижесінде бірнеше балада ми шайқалуы мен жабық бас-ми жарақаты анықталған.

Облыстық Полиция департаменті бұл фактіге байланысты Қылмыстық кодекстің 140-бабы (Кәмелетке толмаған баланы тәрбиелеу жөніндегі міндеттерді орындамау) бойынша сотқа дейінгі тергеу басталғанын хабарлады.

Басқа да жаңалықтарды оқи отырыңыз.

Қаралған саны: 234

Бөлісу:

АЙДАРЛАР

Басқа да мақалалар

Сообщение Түзету балабақшасының қызметкерлері балаларды ұрып-соққан появились сначала на Азаттық ньюс.

Бір үйде ұйықтап жатқан 4 баланың қасында газ плитасы өртенді

Жазира Бағланқызы — Mon, 23 Jun 2025 14:54:22 +0000

Бір үйде ұйықтап жатқан 4 баланың қасында газ плитасы өртенді

Бір үйде ұйықтап жатқан 4 баланың қасында газ плитасы өртенді, деп хабарлайды «Азаттық-Ньюс» Ақпараттық агенттігі.

Бүгін Жезқазған қаласында Төтенше жағдайлар департаментінің құтқарушылары шұғыл әрекет етіп, түтінге толған пәтерден төрт бірдей баланы аман алып шықты. Оқиға балалардың ата-анасыз қалған сәтінде болған.

Алдын ала мәлімет бойынша, балалардың анасы емханаға анализ тапсыруға кеткен. Сол уақытта үйде 2 мен 13 жас аралығындағы төрт бала ұйықтап жатқан. Алайда күтпеген жағдай орын алып, балалардың бірі оянып, сенсорлы электр плитаны байқамай қосып жіберген.

Бала ойыншық салынған пластик ыдысты плитаның үстіне қойған. Қатты қызудан пластик еріп, қою түтін пәтер ішін түгел жайлаған. Түтіннің таралуын байқаған көршілер дереу құтқару қызметіне хабар берген.

Жедел жеткен төтенше жағдайлар қызметі балаларды қауіпсіз жерге шығарып үлгерді. Абырой болғанда, ешкім зардап шеккен жоқ. Балалар медициналық тексеруден өтті, денсаулықтарына қауіп төніп тұрған жоқ.

Төтенше жағдайлар департаменті ата-аналарға маңызды ескерту жасады:

«Кішкентай балаларды үйде жалғыз қалдырмаңыздар. Электр құралдарына сақтықпен қарау — қауіпсіздіктің басты шарты. Осындай жағдайлардан кейін өкініп қалмас үшін алдын ала қам жасаған жөн», – деді ведомство өкілдері.

Басқа да жаңалықтарды оқи отырыңыз.

Қаралған саны: 158

Бөлісу:

АЙДАРЛАР

Басқа да мақалалар

Сообщение Бір үйде ұйықтап жатқан 4 баланың қасында газ плитасы өртенді появились сначала на Азаттық ньюс.

Антикор 2 млрд теңгеден астам заңсыз мүлікті тәркіледі

Жазира Бағланқызы — Mon, 23 Jun 2025 14:50:17 +0000

Антикор 2 млрд теңгеден астам заңсыз мүлікті тәркіледі

Антикор 2 млрд теңгеден астам заңсыз мүлікті тәркіледі, деп хабарлайды «Азаттық-Ньюс» Ақпараттық агенттігі.

Сыбайлас жемқорлыққа қарсы қызмет 2 миллиард теңгеден астам сомаға бағаланатын заңсыз алынған мүлікті мемлекет меншігіне тәркілеп, тағы бір ауқымды істі әшкереледі. Ведомство таратқан ақпаратқа сәйкес, 2022 жылдан бері халықаралық іздеуде жүрген және ақшаны жылыстатуға күдікті тұлғаның қаражаты мен активтерінің қылмыстық жолмен алынғаны дәлелденген.

Тергеу барысында анықталғандай, күдікті заңсыз жолмен алынған 1,5 миллиард теңгеге жуық қаражатқа түрлі қымбат мүлік сатып алған. Оның ішінде Алматы қаласы мен Алматы облысындағы люкс санатындағы көліктер, элиталық пәтерлер, жер учаскелері, тұрғын үйлер мен құрылыстар бар. Бірқатар мүліктер күдіктінің жұбайының атына рәсімделген.

Қаржылық тергеу нәтижесінде күдікті мен оның жұбайының екінші деңгейлі банктердегі шоттарынан 1,7 млн АҚШ доллары (шамамен 872 млн теңге) және қосымша 47 млн теңге анықталған. Бұл қаражаттар да олардың ресми табыстарына сәйкес келмейді.

2025 жылғы 16 маусымда шыққан сот қаулысына сәйкес, аталған ақшалай қаражат пен мүлік нысандары мемлекет кірісіне тәркіленді.

Антикордың мәліметінше, жыл басынан бері заңсыз жолмен алынған ақша мен мүлікті жылыстату деректері бойынша 30-ға жуық қылмыстық іс тіркелген. Оның бір бөлігі бойынша сот үкімдері шығып үлгерді.

Сондай-ақ Антикор тергеу жүргізіп жатқан істердің қатарында спортты дамытуға арналған бюджет қаражатын жымқыру дерегі де бар. Тергеу материалдарына сәйкес, бұрынғы лауазымды тұлға 745 млн теңгені жымқырып, сол қаржыға екі қымбат автокөлік сатып алып, 240 млн теңгеден астам қаражатты өзі бақылайтын компанияның шотына аударған.

Тағы бір қылмыстық істе күдіктілер туыстары арқылы 237 млн теңгеден астам бюджет қаражатын қолма-қол ақшаға айналдырып, пәтерлер мен автокөліктер сатып алғаны белгілі болды. Барлық мүлікке сот санкциясымен тыйым салынды.

Қылмыстық процестік кодекстің 201-бабына сәйкес, тергеу мүддесі үшін өзге ақпараттар жарияланбайды.

Басқа да жаңалықтарды оқи отырыңыз.

Қаралған саны: 283

Бөлісу:

АЙДАРЛАР

Басқа да мақалалар

Сообщение Антикор 2 млрд теңгеден астам заңсыз мүлікті тәркіледі появились сначала на Азаттық ньюс.