Сенат депутаттары Шиеліде аудан активімен кездесті
ҚР Парламенті Сенатының депутаттары Наурызбай Байқадамов пен Руслан Рүстемов, Шиелі ауданындағы жұмыс сапарында аудандық мәслихат депутаттары, зиялы қауым өкілдері, қоғамдық кеңес мүшелері, аудан ардагерлері және мемлекеттік қызметкерлермен кездесті, деп хабарлайды «Азаттық-Ньюс» Ақпараттық агенттігі.
Басқосуда Сенат депутаттары елдегі әлеуметтік-экономикалық жағдай, мемлекеттік бағдарламалардың іске асу барысы, заңнамадағы соңғы өзгерістер мен қабылданған заңдардың маңызы туралы айтып өтті.
Сонымен қатар, Мемлекет басшысының алға қойған міндеттері мен даму стратегиясы түсіндіріліп, аудан активімен ашық пікір алмасу жүргізілді. Қатысушылар өз сұрақтарын қойып, ұсыныстарын ортаға салды.
Кездесу ашық пікір алмасу форматында өтіп, қоғам мен мемлекеттік органдар арасындағы сындарлы байланысты нығайтуға бағытталды.