Аудан басшысы алдымен Байтұрсынов пен Жахаев көшелерінің қиылысында салынып жатқан жаяу жүргіншілер жолының құрылысын қарап, жұмыстардың сапасына және тұрғындар үшін қауіпсіз әрі қолайлы болуына ерекше назар аударды.

 

Келесі кезекте Дәулеткерей көшесінде жүргізіліп жатқан қоршау жұмыстарының барысын бақылап, жоба жергілікті тұрғындардың өтінішімен жүзеге асырылып жатқанын ескеріп, сапа мен қауіпсіздік басты назарда болу керектігін міндеттеді.

 

Сонымен қатар, Тәуелсіздік пен Яссауи көшелерінің қиылысында орнатылып жатқан бағдаршам жұмыстары да аудан әкімінің назарына ілікті. Халыққа қызмет көрсету орталығына жақын орналасқан бұл аумақ тұрғындар үшін маңызды екенін ескерген Айтбай Насриддинұлы құрылыс жұмыстарының сапалы әрі уақытылы аяқталуын тапсырды.

 

Аралау соңында Айтбай Насриддинұлы Иіркөл ауылдық округіндегі жол құрылысы жұмыстарының жай-күйін қарап, нысанды аралап шықты. Мемлекеттік сатып алу қорытындысы бойынша бұл жобаны жүзеге асыру құқығын “РиА Сервис LTD” ЖШС жеңіп алған. Аудан әкімі мердігерге жұмыстарды мерзімінде әрі сапалы орындау қажеттігін ескертті.

 

@Шиелі ауданы әкімдігінің баспасөз қызметі