Кішкентай балаларды ұрып-соққан ер азаматтың видеосы әлеуметтік желіде тарады, деп хабарлайды «Азаттық-Ньюс» Ақпараттық агенттігі.

Жазбада қолына құндақталған нәрестені ұстаған азамат еденде жатқан балаларды теуіп жатқаны көрінеді. Қатыгез ер адамның мұндай әрекеті желі қолданушыларының ызасын келтірген. Қоғамдық резонанс тудырған жағдайға байланысты құқық қорғау органдарының өкілдері жауап берді.

Оқиға Түркістан облысы, Сайрам ауданында болған. Полиция департаментінің баспасөз қызметі ұсынған ақпаратқа сәйкес, балаларды ұрған азаматқа байланысты қылмыстық іс басталған. Бірақ күдіктінің балаларға қандай жақындығы бары әзірге жарияланбай отыр.

-Күдікті ұсталып, қамауға алынды. Қазір тиісті сараптамалар тағайындалды, – деп мәлімдеді құзырлы орган өкілдері.

Бейнежазба сілтемесі: https://www.instagram.com/p/C3pNCPVNRm4/