Олжас Сүлейменов жаңа қызметке тағайындалды, деп хабарлайды «Азаттық-Ньюс» Ақпараттық агенттігі Ақордаға сілтеме жасап.

«Мемлекет басшысының Жарлығымен Олжас Мұхамедғалымұлы Сүлейменов Қазақстан Республикасының Швеция Корольдігіндегі төтенше және өкілетті елшісі лауазымына тағайындалды», — делінген хабарламада.

Айта кету керек, Сергей Нұртаев Қазақстан Республикасының Швеция Корольдігіндегі төтенше және өкілетті елшісі, Қазақстан Республикасының Дания Корольдігіндегі төтенше және өкілетті елшісі қызметін қоса атқарушы лауазымдарынан босатылған.