«AMANAT» партиясы Қызылорда облыстық филиалының төрағасы Алмасбек Есмахановтың партияның Сайлауалды бағдарламасына енгізілген, «Жайлы мектеп» жобасы аясында салынып жатқан Жаңақорған ауданындағы 600 орындық мектеп құрылысының барысымен танысты, деп хабарлайды «Азаттық-Ньюс» Ақпараттық агенттігі.

2023 жылдың шілде айында бастау алған мектеп құрылысын «Аман-Құрылыс» ЖШС-і жүргізуде. Жоба құны – 4 267 668 160 тенге.

Мектеп 2024 жылдың соңына дейін пайдалануға беріледі деп жоспарлануда. Құрылыс басында 150-ге жуық жұмысшы жұмыс жасауда.

Қазіргі таңда құрылыс жұмыстары 70% – ға аяқталып тұр.

Облыстық партия филиалының төрағасы А.Есмаханов мектеп құрылысы жұмыстарын жүргізіп отырған «Аман Құрылыс» ЖШС-нің жауапты өкіліне құрылыс жұмыстары сапалы және уақытылы тапсырылу керектігін айтып өтті.