Бүгін партияның облыстық филиалының төрағасы Алмасбек Есмаханов Мемлекеттік басқару академиясы филиалында облыстық мәслихат депутаттарына «Партия қызметін жүргізудегі мәслихат депутаттарының рөлі мен маңызы» тақырыбында лекция оқыды, деп хабарлайды «Азаттық-Ньюс» Ақпараттық агенттігі.

Мемлекет басшысы Қасым-Жомарт Тоқаевтың барлық деңгейдегі мәслихат депутаттарының ІІ республикалық форумында мәслихат депутаттарының біліктілігін жетілдіру, олардың қызметінің тиімділігін арттыру үшін Мемлекеттік басқару академиясымен ынтымақтастық орнатудың маңыздылығын атап өткен болатын.

Бұл орайда «AMANAT» партиясы барлық деңгейдегі маслихаттарда өзінің депутаттық фракцияларын жасақтап, фракция мүшелерінің біліктілігін жетілдіру, олардың қызметінің тиімділігін арттыру бағытында партияның қоғамдық саясат институтымен түрлі оқу семинарлар ұйымдастырып келеді. Мұндай оқу семинары бұған дейін де ұйымдастырылып, халық қалаулылары біліктілігін арттырған болатын. Бүгінгі оқу жұмыстары соның жалғасы десек болады.

Кездесуде мәслихат депутаттары тақырып төңірегінде ой пікірлерімен бөлісіп, жалпы жұмысты жетілдірудегі ұсыныстарымен бөлісті.