4 жасар бала шалшық суға құлап, мерт болды, деп хабарлайды «Азаттық-Ньюс» Ақпараттық агенттігі.

Қайғылы оқиға Ақтөбе облысына қарасты Ебейті ауылында болған. Ағайындылардың екі баласы қар суы еріп, жиналған жерде ойнап жүрген. 4 жасар бала етбетімен құлап, суға тұншығып қайтыс болды. Екінші бала, құдай сақтап, аман қалған.

«Ол жерде су қатты терең емес, шамамен 15 сантиметр. Еріген қардың суы балалар тұратын үйден 150 метр шалғай жерде жиналып қалған», – дейді әкімдік мамандары.