Балалардың қауіпсіздігін қамтамасыз ету бағытында атқарылып жатқан жұмыстар жеткіліксіз деңгейде. Бұны прокуратура тексеру нәтижесінде анықтады, деп хабарлайды “Азаттық-Ньюс” Ақпараттық агенттігі.

Алматы қаласындағы балалардың қауіпсіздігін зерделеген кезде ақпараттық қауіпсіздік саласында жарты мыңнан аса құқықбұзушылық анықталған. Сондай-ақ, балаларды тасымалдау және білім беру мекемелерін қорғау ережелері, санитарлық және өртке қарсы нормалар сақталмаған. Оқушылар арасында буллинг деректері тіркеліп отыр.

– Тексеру нәтижесінде 10 іске сотқа дейінгі тергеп-тексеру басталды. Шамамен, 60 миллион теңге өтеліп, 67 қадағалау актісі енгізілді. 100-ден аса адам жауапкершілікке тартылды, делінген ВЕДОМСТВА ХАБАРЛАМАСЫНДА.