Қызылордалық оқушы экоөнім жасап шығарды, деп хабарлайды «Азаттық-Ньюс» Ақпараттық агенттігі.

Қаладағы Әли Мүсілімов атындағы 101 мектеп-лицейінің 10 сынып оқушысы Гүлназ Тағыберген күріштен эко сабын жасап шығарды. Озық ойлы оқушының бұл туындысы республикалық ғылыми жобалар конкурсының облыстық кезеңінен сәтті өтті. Ол енді 26 ақпан мен 1 наурыз аралығында Тараз қаласында өтетін республикалық кезеңде бақ сынамақ.

Оқушының айтуынша, күріштің құрамында адам ағзасына қажетті дәрумендер өте көп. Яғни, табиғи өнім теріні ылғалдандырып қана қоймай, тырнақ пен шаштың өсуіне пайдасы көп екен.