Ұлттық банк 27 ақпаннан бастап түйе бейнеленген 5000 теңгелік және балықтың суреті бар 1000 теңгелік тиын сатыла бастайтынын мәлімдеді, деп хабарлайды «Азаттық-Ньюс» Ақпараттық агенттігі.

5000 теңге «Көшпенділердің ғибадат жануарлары-тотемдер» сериясы бойынша, 1000 теңге «Қазастанның флорасы мен фаунасы» сериясы бойынша жарық көреді.

Номиналы 5000 теңге болатын TÚIE коллекциялық монетасы күмістен соғылған, сынамасы – 925/1000. Бетінде 2 мм гаухартас бар. Монетаның диаметрі – 100 мм, салмағы – 777,5 грамм. Монетаның таралымы шектеулі, әзірге – 200 дана.

Ал номиналы 1000 теңгелік BALQASH ALABUGASY монетасы күмістен соғылған. 3D технологиясы арқылы күрделі бедер жасалған. Сынамасы – 925/1000. Монетаның диаметрі – 50 мм, салмағы – 100 грамм. Монетаның таралымы – 500 дана.