Еңбек және халықты әлеуметтік қорғау министрлігі елдегі орташа зейнетақының көлемін мәлімдеді, деп хабарлайды «Азаттық-Ньюс» Ақпараттық агенттігі.

Жыл басынан бері республикалық бюджеттен барлығы 1 трлн 549,3 млрд теңге зейнетақы төленген.

«2024 жылғы 1 маусымдағы жағдай бойынша жиынтық зейнетақының орташа мөлшері 132 401 теңгені құрады, оның ішінде ынтымақты зейнетақы мөлшері – 89 697 теңге, базалық зейнетақы – 42 704 теңге», – делінген хабарламада.

Бүгінде елімізде 2 млн 383 мың зейнеткер бар.