Азаттық ньюс

«Анашым, мен қиын жағдайға тап болдым»: Тасбөгет полиция бөлімі ЖИ-алаяқтық туралы ескертті

Azattyq-news — Thu, 13 Aug 2026 11:45:27 +0000

Тасбөгет полиция бөлімінің қызметкерлері азаматтарды жасанды интеллект (ЖИ) қолданылатын алаяқтық әрекеттерінен сақ болуға шақырады.
Қазіргі технологиялардың көмегімен алаяқтар адамның дауысын және бейнесін қолдан жасап, бейнеқоңырау арқылы өзін туысы немесе жақын адамы ретінде таныстыра алады. Негізгі мақсат – сенімге кіріп, азаматтарды шұғыл түрде ақша аударуға көндіру.
Полиция күмәнді қоңырауларға сенбей, алдымен жақындарыңызбен тікелей байланысып, ақпараттың рас-өтірігін тексеруге кеңес береді.

Сообщение «Анашым, мен қиын жағдайға тап болдым»: Тасбөгет полиция бөлімі ЖИ-алаяқтық туралы ескертті появились сначала на Азаттық ньюс.

30 шілде – Дүниежүзілік адам саудасына қарсы күрес күніне орай Қызылорда қаласында «Адам саудасына жол жоқ» атты профилактикалық акция өтті

Azattyq-news — Wed, 29 Jul 2026 05:13:15 +0000

30 шілде – Біріккен Ұлттар Ұйымы жариялаған Дүниежүзілік адам саудасына қарсы күрес күніне орай Қызылорда қаласының теміржол вокзалында адам саудасының алдын алу және еңбек қанауының құрбандарын анықтау бағытында «Адам саудасына жол жоқ» тақырыбында профилактикалық акция ұйымдастырылды. Іс-шара «Оңтүстік – Солтүстік – Батыс – Шығыс» бағыттары бойынша қатынайтын үгіт-насихат пойыздары аясында мобильді топтың қатысуымен өткізілді.
Кездесудің негізгі мақсаты – қала тұрғындары мен қонақтарын адам саудасының қауіптері, еңбек қанауының белгілері туралы ақпараттандыру, құқықтық сауаттылықты арттыру және құқық бұзушылықтардың алдын алу.
Іс-шараға Қызылорда облысының жұмыспен қамтуды үйлестіру және әлеуметтік бағдарламалар басқармасы, облыстық Полиция департаментінің Ұйымдасқан қылмысқа қарсы күрес басқармасы, Мемлекеттік еңбек инспекциясы комитетінің Қызылорда облысы бойынша департаменті, Қызылорда қалалық жұмыспен қамту және әлеуметтік бағдарламалар бөлімі, сондай-ақ адам саудасының құрбаны деп танылған азаматтарға арнаулы әлеуметтік қызмет көрсететін үкіметтік емес ұйымның өкілдері қатысты.
Кездесу барысында қатысушыларға адам саудасына қарсы іс-қимыл шаралары, адамдарды заңсыз әкету, әкелу және сатудың алдын алу, еңбек қанауы мен бала еңбегін заңсыз пайдалануға жол бермеу, сондай-ақ кәмелетке толмағандарға қатысты жыныстық қолсұғушылықтың алдын алу мәселелері бойынша жан-жақты ақпарат берілді.
Сонымен қатар, тұрғындарға адам саудасының негізгі белгілері, күмәнді жұмыс ұсыныстарынан сақтану жолдары, құқық қорғау органдарына жүгіну тәртібі түсіндірілді. Іс-шара аясында ақпараттық жадынамалар мен түсіндірме материалдары таратылып, сенім телефондары мен дағдарыс орталықтарының байланыс нөмірлері ұсынылды.
Мамандар азаматтарды елімізде немесе шетелде жұмысқа орналасу кезінде еңбек шартын міндетті түрде рәсімдеуге, жұмысқа орналастырушы ұйымдардың заңдылығын алдын ала тексеруге және жеке басын куәландыратын құжаттарды бөгде адамдарға бермеуге шақырды.
Мобильді топпен адам саудасының алдын алуға бағытталған мұндай профилактикалық іс-шаралар алдағы уақытта да халық көп шоғырланатын орындарда тұрақты түрде жалғасады. Бұл жұмыстар азаматтардың құқықтық мәдениетін арттыруға, қауіпсіздігін қамтамасыз етуге және адам құқықтарының бұзылуына жол бермеуге бағытталған.

Мұндай іс-шаралар адам саудасының алдын алуға, азаматтардың құқықтық мәдениетін қалыптастыруға және қоғамда «Заң мен тәртіп» қағидатын нығайтуға бағытталған.

Сообщение 30 шілде – Дүниежүзілік адам саудасына қарсы күрес күніне орай Қызылорда қаласында «Адам саудасына жол жоқ» атты профилактикалық акция өтті появились сначала на Азаттық ньюс.

ҚАЗАЛЫДА 6 МЕКТЕПКЕ АҒЫМДАҒЫ ЖӨНДЕУ ЖҰМЫСТАРЫ ЖҮРГІЗІЛУДЕ

Azattyq-news — Tue, 28 Jul 2026 17:21:06 +0000

Биылғы жылы Қазалы ауданында Жанқожа батыр атындағы № 70, С.Сейфуллин атындағы №165, Қ. Сәтбаев атындағы №216, Қ, Нұрмаханов атындағы №95, Ақсуат ауылындағы №100 және Ү.Түктібаев ауылындағы Б.Әбдіразақов атындағы №88 мектептерге ағымдағы жөндеу жұмыстары жүргізілуде.

Білім ошақтарына жүргізіліп жатқан жөндеу жұмыстары оқу процесінің қауіпсіз және тиімді өтуін қамтамасыз ету мақсатында жазғы демалыс кезеңінде жасалуда.

Бүгін аудан әкімі Алмасбек Есмаханов мектептерге жүргізіліп жатқан ағымдағы жөндеу жұмыстарын көріп, мердігер мекемелердің басшыларымен кездесті. Құрылысшыларға жөндеу жұмыстарының сапасына аса мән беріп, белгіленген мерзімде жоспарланған жұмыстарды аяқтауды тапсырды. Сондай-ақ білім ошақтарындағы жөндеу жұмыстары тікелей бақылауында болатынын ескертті.

6 мектепке жасалатын ағымдағы жөндеу жұмыстарына облыстық бюджеттен 269,9 млн. теңгеге қаржы қаралып, бүгінгі күні жөндеу жұмыстарын жүргізетін мердігерлер анықталған. Қазіргі таңда мектеп ғимараттарының едендері мен есіктерін ауыстыру, спорт залдарын ағымдағы жөндеу, шатырын ауыстыру, жылу жүйесін ауыстыру және аудан орталығындағы Қ. Сәтбаев атындағы №216 мектептің арты мен спорт зал ғимараттарының сыртын қаптау жұмыстары жүргізілуде.

Айта кетейік, мектептерге жасалып жатқан жөндеу жұмыстары 20 тамызға дейін толықтай аяқталып, жаңа оқу жылына пайдалануға беру жоспарланып отыр.

Сообщение ҚАЗАЛЫДА 6 МЕКТЕПКЕ АҒЫМДАҒЫ ЖӨНДЕУ ЖҰМЫСТАРЫ ЖҮРГІЗІЛУДЕ появились сначала на Азаттық ньюс.

ОБЛЫС АУМАҒЫНДА БАЛА ҚАУІПСІЗДІГІНЕ БАҒЫТТАЛҒАН РЕЙД ҰЙЫМДАСТЫРЫЛДЫ

Azattyq-news — Mon, 27 Jul 2026 11:15:14 +0000

Демалыс күндері Қызылорда облысында «Заң мен тәртіп» қағидаты аясында кәмелетке толмағандар арасындағы құқық бұзушылықтардың алдын алу және балалардың қауіпсіздігін қамтамасыз ету мақсатында кешенді профилактикалық рейд ұйымдастырылды.
Іс-шараға Қызылорда облысы Полиция департаментінің, облыстық білім басқармасының, балалардың құқықтарын қорғау басқармасының және облыстық прокуратураның қызметкерлері қатысып, тұрғындар арасында кең көлемді ақпараттық-түсіндіру жұмыстарын жүргізді.
Рейд барысында бала қауіпсіздігіне қатысты өзекті мәселелерге ерекше назар аударылды. Ата-аналарға балалардың терезеден құлап кетуінің алдын алу, судағы қауіпсіздік талаптарын сақтау, жазғы демалыс кезінде балаларды қараусыз қалдырмау және олардың өмірі мен денсаулығына қауіп төндіретін жағдайлардың алдын алу жөнінде түсіндіру жұмыстары жүргізілді.
Сонымен қатар, бірлескен топтар ойын-сауық орындары мен компьютерлік клубтарды аралап, кәмелетке толмағандардың түнгі уақытта заңды өкілдерінсіз жүру деректерін анықтау және құқық бұзушылықтардың алдын алу бағытында бақылау жұмыстарын жүргізді.
Профилактикалық іс-шаралар нәтижесінде Қазақстан Республикасының Әкімшілік құқық бұзушылық туралы кодексінің 437- бабы бойынша 82 дерек, 442-бабы бойынша 271 кәмелетке толмағанның құқық бұзушылық жасағаны анықталды. Олардың заңды өкілдеріне әкімшілік хаттамалар рәсімделді.
Сондай-ақ ӘҚБтК-нің 127-бабы бойынша балаларды тәрбиелеу, олардың құқықтары мен қауіпсіздігін қамтамасыз ету жөніндегі міндеттерін тиісінше орындамаған 22 ата-анаға (заңды өкілге) қатысты әкімшілік хаттамалар толтырылды.

Сообщение ОБЛЫС АУМАҒЫНДА БАЛА ҚАУІПСІЗДІГІНЕ БАҒЫТТАЛҒАН РЕЙД ҰЙЫМДАСТЫРЫЛДЫ появились сначала на Азаттық ньюс.

Қызылорда облысында заманауи криминалистикалық ғылыми-техникалық құралдардың көрмесі өтті

Azattyq-news — Mon, 27 Jul 2026 06:22:50 +0000

Қазақстан Республикасы Ішкі істер министрлігінің тапсырмасы негізінде, Мемлекет басшысы Қасым-Жомарт Кемелұлы Тоқаевтың «Заң мен тәртіп» қағидатын іске асыру аясында Қызылорда облысы Полиция департаментінің ұйымдастыруымен заманауи криминалистикалық ғылыми-техникалық құралдардың көрмесі өткізілді.
Іс-шара Қызылорда облысы әкімінің орынбасары Шермағанбет Мейрамбек Зинабдинұлының төрағалығымен өтті.
Көрмеге Қызылорда облысының Ішкі істер органдары мен Ұлттық ұлан Ардагерлер кеңесінің төрағасы, Қазақстан Республикасы Ішкі істер органдарының құрметті қызметкері, облыстық мәслихат депутаты Шаймағамбетов Әмірбек Бердібекұлы, Қызылорда облысы Полиция департаменті бастығының орынбасары Әлтай Нұрсұлтан, Жедел-криминалистикалық басқармасының бастығы Жүсіпов Әділби, сондай-ақ облыстық мәслихат депутаттары, экономика және қаржы, цифрлық технологиялар басқармаларының басшылары, Полиция департаментінің басшылық құрамы мен жедел-криминалистикалық бөлініс қызметкерлері қатысты.
Көрмеде республикадағы және шетелдегі жетекші өндіруші компаниялардың өкілдері өздерінің озық технологиялық әзірлемелерін ұсынып, криминалистикалық жарық көздерін, атыс қаруы мен көлік құралдарындағы өшірілген сәйкестендіру нөмірлерін қалпына келтіруге арналған арнайы кешендерді, мобильді құрылғылардан цифрлық дәлелдемелерді алуға және талдауға арналған жабдықтарды, сондай-ақ заманауи жылжымалы криминалистикалық зертханаларды таныстырды.

Сообщение Қызылорда облысында заманауи криминалистикалық ғылыми-техникалық құралдардың көрмесі өтті появились сначала на Азаттық ньюс.

БАЛАЛАРДЫҢ ҚАУІПСІЗДІГІ БАСТЫ НАЗАРДА.

Azattyq-news — Mon, 27 Jul 2026 05:30:25 +0000

Қызылорда облысы прокуратурасының ұйымдастыруымен балалардың құқықтық сауаттылығын арттыруға бағытталған көрнекі профилактикалық іс-шара ұйымдастырылды.

Оның барысында 500-ден астам жасөспірімге жолды қауіпсіз өту тәртібі және қоғамдық көліктен түсу жолдары түсіндірілді.

Сонымен қатар жасөспірімдердің құқықтық санасын қалыптастыру мәселелеріне арналған бейнероликтер көрсетілді және өрт қауіпсіздігі, жаз мезгілінде су айдындарында шомылу қағидаларын сақтау, құқыққа қайшы мінез-құлыққа жол бермеу тақырыптарындағы ақпараттық жадынамалар таратылды.

Шараның негізгі мақсаты – балалардың құқықтық мәдениетін арттыру, жол қозғалысы ережелерін түсіндіру және кәмелетке толмағандардың қатысуымен жол-көлік оқиғаларының алдын алу болып табылады.

Аталған іс-шара облыс прокуратурасының «Adal Bala» және «Саналы ұрпақ» жобалары аясында жүзеге асырылып жатқан жүйелі профилактикалық жұмысының бір көрінісі болды.

Сообщение БАЛАЛАРДЫҢ ҚАУІПСІЗДІГІ БАСТЫ НАЗАРДА. появились сначала на Азаттық ньюс.

«ТАЗА ҚАЗАҚСТАН»: Сырдария ауданында полиция қызметкерлері сенбілікке атсалысты

Azattyq-news — Sun, 26 Jul 2026 17:26:43 +0000

«ТАЗА ҚАЗАҚСТАН» республикалық экологиялық акциясы аясында Сырдария ауданы полиция бөлімінің қызметкерлері қоршаған ортаның тазалығын сақтауға бағытталған сенбілік жұмыстарын ұйымдастырды.
Экологиялық шараның басты мақсаты – қоршаған ортаны таза ұстау, елді мекеннің санитарлық жағдайын жақсарту, табиғатқа жанашырлықпен қарау мәдениетін қалыптастыру және қоғам арасында экологиялық жауапкершілікті арттыру.
Сенбілік барысында полиция бөлімінің аумағы мен оған іргелес жерлер қоқыстан тазартылып, абаттандыру жұмыстары жүргізілді. Қызметкерлер аумақты ретке келтіріп, тазалық жұмыстарын атқару арқылы республикалық бастамаға өз үлестерін қосты.
«Таза Қазақстан» акциясы – елді мекендердің тазалығы мен көркеюіне ғана емес, тұрғындардың экологиялық мәдениетін қалыптастыруға бағытталған маңызды бастама. Қоғамдық орындардың тазалығын сақтау, айналаны абаттандыру және табиғи ортаны қорғау – әрбір азаматқа ортақ міндет.
Сырдария ауданы полиция бөлімінің қызметкерлері де қоғамдық тәртіп пен азаматтардың қауіпсіздігін қамтамасыз етумен қатар, ауданның тазалығы мен көркеюіне бағытталған игі шараларға белсенді қатысып келеді.
Мұндай сенбіліктер ұжымдық жауапкершілікті арттырып, қоршаған ортаға ұқыпты қараудың маңызын кеңінен насихаттауға мүмкіндік береді. Сонымен бірге тазалықты сақтау тек арнайы ұйымдастырылған акциялар кезінде ғана емес, күнделікті өмірде де қалыптасқан ортақ қағидаға айналуы қажет.
Туған жердің тазалығы мен көркеюі – баршаға ортақ іс. Осы бағыттағы жұмыстар алдағы уақытта да жалғасын тауып, аудан аумағын таза әрі көрікті ұстауға басымдық берілмек.

Сообщение «ТАЗА ҚАЗАҚСТАН»: Сырдария ауданында полиция қызметкерлері сенбілікке атсалысты появились сначала на Азаттық ньюс.

СЫРДАРИЯ АУДАНЫНДА ТҮНГІ РЕЙД ЖҰМЫСТАРЫ ЖАЛҒАСУДА

Azattyq-news — Sat, 25 Jul 2026 16:47:59 +0000

Сырдария ауданында кәмелетке толмағандар арасындағы құқық бұзушылықтың алдын алу, қоғамдық тәртіпті сақтау және жасөспірімдердің қауіпсіздігін қамтамасыз ету мақсатында түнгі рейдтік-профилактикалық іс-шаралар тұрақты түрде ұйымдастырылып келеді.
Рейд барысында жауапты сала мамандары мен құқық қорғау органдарының қызметкерлері аудан орталығындағы және елді мекендердегі жастар көп шоғырланатын орындарды аралады. Атап айтқанда, орталық және шеткі көшелер, саябақтар, сауда нысандары, демалыс орындары мен қоғамдық орындар толықтай қамтылды.
Профилактикалық шаралардың басты мақсаты – түнгі уақытта заңды өкілдерінің қарауынсыз жүрген кәмелетке толмағандарды анықтау, олардың қауіпсіздігін қамтамасыз ету, құқық бұзушылықтың, қылмыстың және түрлі келеңсіз оқиғалардың алдын алу. Сонымен қатар, рейд барысында жасөспірімдермен түсіндіру жұмыстары жүргізіліп, қоғамдық орындарда өзін-өзі ұстау мәдениеті, заң талаптарын сақтау және қауіпсіздік шаралары жөнінде кеңестер берілді.
Сондай-ақ ата-аналарға балалардың кешкі және түнгі уақыттағы жүріс-тұрысына бақылауды күшейту, олардың бос уақытын тиімді ұйымдастыру және заң талаптарын сақтау қажеттілігі түсіндірілді. Өйткені бала қауіпсіздігін қамтамасыз етуде ата-ананың жауапкершілігі ерекше маңызға ие.
Мамандардың айтуынша, мұндай профилактикалық іс-шаралар жасөспірімдер арасындағы құқық бұзушылықтың алдын алумен қатар, қоғамдық тәртіптің сақталуына, құқықтық мәдениеттің қалыптасуына және тұрғындардың қауіпсіздігін қамтамасыз етуге оң ықпал етеді.
Сырдария ауданында ұйымдастырылып жатқан түнгі рейдтік жұмыстар алдағы уақытта да тұрақты түрде жалғасады. Бұл жұмыстардың басты мақсаты – балалардың құқықтарын қорғау, олардың қауіпсіз ортада тәрбиеленуіне жағдай жасау және құқық бұзушылықтың алдын алу бағытындағы кешенді шараларды жүйелі түрде жүзеге асыру.
Құрметті ата-аналар! Балаларыңыздың қауіпсіздігіне бейжай қарамай, олардың қайда жүргеніне, кіммен араласатынына және бос уақытын қалай өткізетініне тұрақты бақылау жасауларыңызды сұраймыз. Баланың қауіпсіздігі – отбасының ғана емес, бүкіл қоғамның ортақ жауапкершілігі.

Сообщение СЫРДАРИЯ АУДАНЫНДА ТҮНГІ РЕЙД ЖҰМЫСТАРЫ ЖАЛҒАСУДА появились сначала на Азаттық ньюс.

Сырдария ауданы полиция бөлімінде саптық жиын өткізілді

Azattyq-news — Fri, 24 Jul 2026 13:56:59 +0000

Сырдария ауданы полиция бөлімінде жеке құрам қызметкерлерінің қатысуымен кезекті саптық жиын өткізілді. Аталған іс-шара полиция қызметкерлерінің қызметтік тәртібін нығайтуға, кәсіби даярлығы мен жауапкершілігін арттыруға, сондай-ақ қоғамдық қауіпсіздікті қамтамасыз ету бағытындағы міндеттерді нақтылауға арналды.
Саптық жиын барысында полиция қызметкерлерінің сыртқы келбеті, белгіленген нысанды киім үлгісін талапқа сай киюі, қызметтік тәртіпті сақтауы және қызметтік куәліктерінің болуы мұқият тексерілді. Қызметтік тәртіп пен әдеп нормаларын сақтау – ішкі істер органдары қызметкерлеріне қойылатын негізгі талаптардың бірі екендігі атап өтілді.
Жиын кезінде жеке құрамға қоғамдық тәртіп пен азаматтардың қауіпсіздігін қамтамасыз ету бағытында нақты міндеттер жүктелді. Атап айтқанда, құқық бұзушылықтардың алдын алу жұмыстарын күшейту, көшелер мен қоғамдық орындардағы қауіпсіздікті сақтау, азаматтардың заңды құқықтары мен мүдделерін қорғау мәселелеріне ерекше назар аудару тапсырылды.
Сонымен қатар, жол қозғалысы қауіпсіздігін қамтамасыз ету бойынша қызметкерлерге жол-көлік оқиғаларының алдын алу, жол қозғалысы ережелерінің сақталуын бақылауды күшейту және жол қозғалысына қатысушылар арасында түсіндіру жұмыстарын жүйелі түрде жүргізу міндеттелді.
Азаматтардың өтініштері мен хабарламаларына жедел әрі сапалы әрекет ету мәселесі де жиын барысында басты назарға алынды. Полиция қызметкерлеріне тұрғындармен сыпайы қарым-қатынас орнату, олардың мәселелерін заң аясында уақтылы шешу және халықпен тығыз байланыста жұмыс жүргізу қажеттігі ескертілді.
Сырдария ауданы полиция бөлімі қоғамдық қауіпсіздікті қамтамасыз ету, құқық бұзушылықтардың алдын алу және азаматтардың құқықтары мен заңды мүдделерін қорғау бағытындағы жұмыстарды тұрақты түрде жалғастыра бермек. Қызметтік тәртіп пен кәсібилік – полиция қызметінің басты қағидаттарының бірі болып қала береді.

Сообщение Сырдария ауданы полиция бөлімінде саптық жиын өткізілді появились сначала на Азаттық ньюс.

«Тасбөгет полиция бөлімінің қызметкерлері ескертеді:Интернет алаяқтарына алданбаңыз!»

Azattyq-news — Fri, 24 Jul 2026 13:34:37 +0000

Интернет алаяқтық-бүгінгі қоғамдағы өзекті мәселелердің бірі. Осыған байланысты Тасбөгет полиция бөлімінің қызметкерлері интернет алаяқтықтың алдын алу мақсатында Тасбөгет кентінің тұрғындарына ақпараттық-түсіндіру жұмыстарын жүргізді.
Іс-шара барысында полиция қызметкерлері азаматтарға интернет алаяқтарының жиі қолданатын айла-тәсілдері туралы жан-жақты түсіндіріп, жеке деректерді, банк картасының мәліметтерін және SMS арқылы келетін бір реттік растау кодтарын ешбір адамға бермеу керектігін ескертті.
Сонымен қатар, тұрғындарға алаяқтықтан сақтану жолдары көрсетілген ақпараттық жадынамалар таратылып, күмәнді қоңырауларға, сілтемелер мен хабарламаларға сенбеу, сондай-ақ белгісіз тұлғалардың өтініші бойынша қаржылық операциялар жасамау жөнінде маңызды кеңестер берілді.
Тасбөгет полиция бөлімінің қызметкерлері тұрғындарды қырағылық танытып, өздерінің жеке және қаржылық мәліметтерінің қауіпсіздігіне жауапкершілікпен қарауға шақырады.
Сақ болыңыз! Интернет алаяқтарының арбауына түспеңіз!

Сообщение «Тасбөгет полиция бөлімінің қызметкерлері ескертеді:Интернет алаяқтарына алданбаңыз!» появились сначала на Азаттық ньюс.