Қазіргі уақытта сол жағалауға 25 мыңнан астам тұрғын қоныстанған. Мұнда 136 көпқабатты тұрғын үй, 20 әлеуметтік және 13 ірі бизнес нысаны орналасқан. Тағы 48 нысан салынып жатыр.

Аймақ басшысы екі ғасырлық тарихы бар Қызылорда топырағында ұлт қайраткерлері, Алаш арыстары тағдыршешті қадамдарға барып, болашаққа бағдар жасағанын атап өтті.

«Қаламыздың бүгінгі жаңаруы мен көркеюі – сол тарихи сабақтастықтың жалғасы. Әлеуметтік және инженерлік инфрақұрылым жаңғыртылып, заманауи нысандар ел игілігіне берілуде.
Өңір экономикасының қуатын арттыратын ірі инвестициялық жобалар жүзеге асып жатыр. Осындай игі шаралардың жалғасы ретінде бүгін тұрғын үй кезегінде тұрған жерлестерімізге 12 мың шаршы метр болатын 168 пәтердің кілтін салтанатты түрде табыстаймыз.
Бүгін – Мемлекет басшысының қолдауымен баспаналы болып жатқан әрбір отбасы үшін айтулы күн. Меншікті үй – бұл тұрақтылық пен ертеңгі күнге деген сенімнің кепілі. Жаңа шаңырақтарыңыздың босағасы берік, іші береке мен мерекеге толсын! Әрбір отаудан бүлдіршіндердің күлкісі естіліп, татулық салтанат құра берсін! Қоныстарыңыз құтты, ел іргесі берік, болашағымыз баянды болсын», – деді Мұрат Нәлқожаұлы.
​
Жиында тұрғын үйлерді салған мердігер мекеме құрылысшылары облыс әкімінің Алғыс хатымен марапатталды.
​ҚР Құрылтайының депутаты Серік Салауатұлы, қоғам қайраткері Әріп Битілеуұлы құттықтау сөз сөйледі.
​
Кейінгі төрт жылда өңірде тұрғын үй кезегінде тұрған азаматтарға 7 625 пәтер беріліп, 30 мыңнан астам адам баспаналы болды. Биыл жыл соңына дейін тағы 1 950 пәтерді пайдалануға беру жоспарланған.
​
Сол жағалаудың жол-көлік инфрақұрылымын жақсарту, тұрғындардың қауіпсіздігін қамтамасыз ету мақсатында жақында Иса Тоқтыбаев көшесінен осы шағын ауданға өтетін төрт жолақты жаңа автомобиль көпірінің құрылысы басталды.

Сообщение ҚАЛА КҮНІНДЕ ҚЫЗЫЛОРДАЛЫҚТАР ҚОНЫС ТОЙЫН ТОЙЛАДЫ появились сначала на Азаттық ньюс.

Департамент бастығы, полиция полковнигі Серік Ергешовтің төрағалығымен өткен жедел кеңеске департамент бастығының орынбасарлары, басқарма басшылары, қала және аудандық полиция бөлімдерінің басшылары, сондай-ақ жеке құрам қатысты.

Жиын барысында есепті кезеңдегі жұмыстардың нәтижелері ғана емес, полиция қызметінің тиімділігіне әсер ететін мәселелер, орын алған кемшіліктер және оларды жою жолдары жан-жақты қаралды. Сонымен қатар алдағы кезеңге арналған басым бағыттар белгіленді.

Бүгінде полиция қызметінің нәтижелілігі тек қылмысты ашу көрсеткіштерімен өлшенбейді. Құқық бұзушылықтың алдын алу, оның себептері мен оған ықпал ететін жағдайларды ерте анықтау, азаматтардың қауіпсіздігін қамтамасыз ету және тұрғындармен тиімді байланыс орнату – негізгі міндеттердің бірі.

Осыған байланысты кеңесте профилактикалық жұмыстарды күшейтуге, қоғамдық тәртіпті сақтауға, азаматтардың құқықтары мен заңды мүдделерін қорғауға және қызметтік тәртіпті нығайтуға ерекше мән берілді.

Профилактика – басты бағыт

Тоғыз айдың қорытындысы бойынша облыс аумағында қабылданған профилактикалық шаралардың нәтижесінде қоғамдық орындарда және көшелерде, сондай-ақ отбасы-тұрмыстық қатынастар саласында жасалатын қылмыстар саны төмендеген.

Бұл бағыттағы жұмысты одан әрі жетілдіру үшін құқық бұзушылық жасауға бейім азаматтармен профилактикалық шараларды күшейту, проблемалық аумақтарды тұрақты бақылауда ұстау және тұрғындармен тікелей байланысты арттыру қажеттігі атап өтілді.

Полицияның негізгі мақсаты – құқық бұзушылық орын алғаннан кейін ғана әрекет ету емес, оның алдын алып, азаматтардың қауіпсіздігіне төнетін қатерлерді ерте кезеңде анықтау.

Сондықтан әрбір аумақтағы криминогендік ахуалды зерделеу, тәуекел факторларын анықтау және профилактикалық жұмыстарды нақты жағдайға қарай ұйымдастыру алдағы кезеңдегі маңызды міндеттердің бірі болып белгіленді.

Жол қауіпсіздігі – ортақ жауапкершілік

Жедел кеңесте жол-көлік оқиғаларының алдын алу мәселесіне де айрықша назар аударылды.

Есепті кезеңде облыс автожолдарында жол-көлік оқиғаларының саны 14,5 пайызға, ал дене жарақатын алған азаматтар саны 22,3 пайызға төмендеген.

Бұл – жол қозғалысы қауіпсіздігін қамтамасыз ету бағытында атқарылған жұмыстардың нәтижесі. Дегенмен жолдағы қауіпсіздік мәселесі әлі де тұрақты бақылауды қажет етеді.

Жол қозғалысы қауіпсіздігі полицияның ғана емес, барлық жол қозғалысына қатысушылардың ортақ жауапкершілігі екені атап өтілді. Осы ретте жүргізушілер мен жаяу жүргіншілер арасында түсіндіру жұмыстарын күшейту, жол қозғалысы ережелерін сақтау мәдениетін қалыптастыру және жолдағы тәртіпті қамтамасыз ету маңызды.

Полиция бөлімдерінің басшыларына жол-көлік оқиғалары жиі тіркелетін учаскелерге тұрақты талдау жүргізу, олардың себептерін анықтау, жол қозғалысы ережелерін бұзудың алдын алу және қауіпсіздік шараларын күшейту тапсырылды.

Отбасылық-тұрмыстық құқық бұзушылықтардың алдын алу

Отбасы-тұрмыстық қатынастар саласындағы қауіпсіздікті қамтамасыз ету де полиция қызметінің маңызды бағыттарының бірі болып отыр.

Жиында жанжалға бейім азаматтармен жеке профилактикалық жұмысты күшейту, құқық бұзушылықтың қайталануына жол бермеу және жәбірленушілердің құқықтарын қорғау мәселелері қаралды.

Бұл ретте полиция қызметкерлерінің әрбір сигналға дер кезінде ден қоюы, қауіп төнуі мүмкін отбасыларды бақылауда ұстауы және тиісті профилактикалық шараларды уақытылы қабылдауы қажеттігі айтылды.

Цифрлық мүмкіндіктер – тиімді жұмыстың тетігі

Қазіргі таңда құқық қорғау саласында цифрлық технологиялардың маңызы артып келеді. Осыған байланысты жедел кеңесте полиция қызметінде заманауи технологияларды тиімді пайдалану мәселесіне де назар аударылды.

Ақпараттық жүйелерді тиімді қолдану, деректерді жедел жинау және талдау, бейнебақылау мүмкіндіктерін кеңейту, цифрлық сервистерді дамыту – полиция жұмысының тиімділігін арттыруға мүмкіндік беретін маңызды бағыттар.

Цифрлық технологиялардың басты артықшылығы – қажетті ақпаратты қысқа мерзімде жинақтап, оны сараптау арқылы нақты әрі жедел шешім қабылдауға мүмкіндік беруі.

Бұл өз кезегінде құқық бұзушылықтардың алдын алуға, қоғамдық орындардағы ахуалды бақылауға, полиция күштері мен құралдарын тиімді бөлуге және азаматтардың қауіпсіздігін қамтамасыз етуге оң ықпал етеді.

Қызметтік тәртіп пен заңдылық – басты талап

Жедел кеңестің маңызды бөлігі қызметтік тәртіп пен заңдылық мәселелеріне арналды.

Полиция қызметкері – заң талаптарын қатаң сақтайтын мемлекеттік қызметші. Сондықтан қызмет барысында азаматтардың құқықтары мен бостандықтарын құрметтеу, қызметтік әдеп нормаларын сақтау, өз міндетіне жауапкершілікпен қарау және заң талаптарын бұлжытпай орындау ерекше маңызға ие.

Кеңес барысында қызметтік тәртіпті нығайту, сыбайлас жемқорлық тәуекелдерінің алдын алу, қызметкерлердің кәсіби біліктілігін арттыру және полиция қызметкерінің беделіне нұқсан келтіретін әрекеттерге жол бермеу жөнінде нақты тапсырмалар берілді.

Бұл бағыттағы жұмыс тек басшылық тарапынан бақылаумен шектелмей, әрбір қызметкердің жеке жауапкершілігін арттыруға негізделуі тиіс екені атап өтілді.

Алдағы кезеңдегі басым міндеттер

Жиын соңында есепті кезеңдегі жұмыстар қорытындыланып, алдағы кезеңге арналған басым міндеттер белгіленді.

Негізгі басымдықтар қатарында қылмыстық құқық бұзушылықтардың алдын алу, қоғамдық тәртіпті қамтамасыз ету, жол қауіпсіздігін күшейту, кәмелетке толмағандар арасындағы құқық бұзушылықтардың алдын алу, отбасы-тұрмыстық қатынастар саласындағы қауіпсіздікті қамтамасыз ету және интернет-алаяқтықпен күресті күшейту міндеттері айқындалды.

Сонымен қатар полиция қызметінің халыққа жақын болуын қамтамасыз ету, тұрғындармен ашық әрі тиімді байланыс орнату, азаматтардың өтініштері мен шағымдарына жедел ден қою және қызметтік тәртіпті сақтау мәселелері тұрақты бақылауда болатыны айтылды.

Полиция жұмысының тиімділігі, ең алдымен, халықтың қауіпсіздік деңгейі мен құқық қорғау органдарына деген сенімінен көрінеді. Сондықтан алдағы кезеңде нақты нәтижеге бағытталған профилактикалық жұмыстарды күшейту, азаматтармен кері байланысты арттыру және заманауи технологияларды қызметке кеңінен енгізу жалғасын табады.

«Бүгінгі таңда полиция қызметі де уақыт талабына сай өзгеріп келеді. Цифрлық технология, жеделдік, кәсібилік және халықпен ашық байланыс – заманауи полиция жұмысының негізгі тіректеріне айналуда. Ал осы бағыттағы жұмыстардың түпкі мақсаты біреу – азаматтардың қауіпсіздігін қамтамасыз ету, заңдылықты нығайту және қоғамдағы тұрақтылықты сақтау», – деді Қызылорда облысы Полиция департаментінің бастығы, полиция полковнигі Серік Ергешов.

Сообщение Тоғыз айдың қорытындысы сараланып, полиция жұмысының алдағы міндеттері айқындалды появились сначала на Азаттық ньюс.

Осы бағыттағы жұмыстарды жүйелі түрде жалғастыру мақсатында Қызылорда облысы Полиция департаментінің қызметкерлері арасында спорттық және жауынгерлік самбодан Қазақстан Республикасы Ішкі істер министрінің кубогына іріктеу турнирі өтті. Додаға 70 полиция қызметкері қатысып, өздерінің спорттық шеберліктерін ортаға салды.

Салтанатты сайыстың ашылу рәсімінде Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы қатысушыларға сәттілік тілеп, жарыстың маңыздылығына тоқталды.

«Қызмет барысында батылдықпен қатар шапшаңдық, төзімділік, күш-жігер және кез келген жағдайда дұрыс шешім қабылдай білу аса маңызды. Ал спорт осы қасиеттердің барлығын шыңдайды. Бүгінгі жарыс – өзара тәжірибе алмасып шеберлікті шыңдайтын, жігер мен намысты таразылайтын маңызды дода. Барша қатысушыларға сәттілік тілеймін!» деді О.Омаров.

Сондай-ақ шара барысында Ардагерлер кеңесінің төрағасы Шаймағамбетов Әмірбек Бердібекұлына сөз берілді. Ардагер полиция қызметкерлерге ақжолтай тілегін білдірді. Аға буын өкілдерінің мұндай кездесулерге қатысуы жас қызметкерлерге рух беріп, ұрпақтар сабақтастығын нығайта түседі.

Тартысты өткен бәсекеде әр қатысушы жеңіске деген жігерін көрсетіп, шеберлігі мен физикалық дайындығын сынға салды. Белдесулер барысында спортшылардың төзімділігі, жылдамдығы мен тактикалық дайындығы айқын байқалды.

Жарыс қорытындысы бойынша 14 полиция қызметкері Қазақстан Республикасы Ішкі істер министрінің кубогына жолдама алды. Олар республикалық деңгейдегі додада Қызылорда облысының намысын қорғайтын болады.

Бұл жарыс – полиция қызметкерлерінің спорттық жетістігін ғана емес, олардың кәсіби даярлығы мен рухани жігерін де айқындайтын маңызды шара. Себебі спортпен тұрақты айналысқан қызметкер кез келген жағдайда жинақылық танытып, қиындыққа төтеп беруге бейім болады. Ал спорттық және жауынгерлік самбо секілді спорт түрлері полицейлердің ептілігін, батылдығын және шешім қабылдау қабілетін шыңдайды.

Қызылордалық полицейлер үшін бұл турнир республикалық додаға бастар жол ғана емес, қызметтегі шеберлікті шыңдап, өзара тәжірибе алмасуға мүмкіндік берген маңызды алаң болды. Ендігі мақсат – Ішкі істер министрінің кубогында облыс намысын абыроймен қорғап, жеңісті нәтижелерге қол жеткізу.

Сообщение Қызылордада полиция қызметкерлері спорттық және жауынгерлік самбодан сынға түсті появились сначала на Азаттық ньюс.

Рейд барысында басты назар вандализмнің алдын алуға, қоршаған ортаның тазалығын сақтауға, түнгі заңсыз жарыстардың жолын кесуге және жол ережесін өрескел бұзатын жүргізушілерді анықтауға бағытталды.

Апта көлемінде облыс аумағында жүргізілген рейдтік іс-шаралар барысында 5 мыңға жуық әкімшілік құқық бұзушылықтың жолы кесілді.

Атап айтқанда көлік құралын басқару кезінде ұялы телефон пайдаланудың 1069, көлікті мас күйде басқарудың 26, сондай-ақ жолаушыларды және жүктерді тасымалдау, қауіпсіздік белдіктері мен мотошлемдерді пайдалану талаптарын сақтамаудың 1620 , қарсы жүріп өту немесе басып озу қағидаларын бұзудың 18 дерегі анықталды.

Түнгі уақытта жоғары жылдамдықпен жүріп, өзге жол қозғалысына қатысушылардың өмірі мен қауіпсіздігіне қауіп төндіретін жүргізушілер де полицияның жіті бақылауында.

Полиция қызметкерлері заманауи цифрлық технологиялар мен бейнебақылау жүйелерінің мүмкіндіктерін пайдалана отырып, құқық бұзушылықтарды жедел анықтап, олардың жолын кесу және қайталануына жол бермеу бойынша тиісті шаралар қабылдауда.

Түнгі қала – жарыс алаңы емес. Жолдағы тәртіп – әр адамның қауіпсіздігінің кепілі.

Сообщение Қызылордада бір аптадағы рейд нәтижесінде 5 мыңға жуық құқық бұзушылықтың жолы кесілді появились сначала на Азаттық ньюс.

Мониторинг барысында полиция қызметкерлерінің назарына күдік тудырған азамат ілікті. Азаматтың автокөлікке отырып, көлік құралын басқарғаны анықталды.

Аталған ақпарат дереу жақын маңдағы патрульдік полиция экипажына жеткізілді. Полиция қызметкерлері жедел түрде тиісті шаралар қабылдап, көлік құралын тоқтатты.

Тексеру барысында жүргізушінің көлік құралын масаң күйде басқарғаны анықталды. Полиция қызметкерлері 29 жастағы қала тұрғынын полиция бөліміне жеткізді.

Сот қаулысымен құқық бұзушы 15 тәулікке әкімшілік қамауға алынып, жеті жыл мерзімге көлік басқару құқығынан айырылды. Автокөлік айып тұрағына қойылды.

Полиция жүргізушілерді жол жүрісі қағидаларын қатаң сақтауға және алкогольдік ішімдік ішкеннен кейін көлік тізгініне отырмауға шақырады. Мас күйінде көлік басқару жол қозғалысына қатысушылардың өмірі мен денсаулығына нақты қауіп төндіреді.

“Заң мен тәртіп” қағидатын сақтау – әрбір жол қозғалысына қатысушының ортақ жауапкершілігі.

Сообщение Қызылордада масаң күйде көлік басқарған жүргізуші 15 тәулікке қамалды появились сначала на Азаттық ньюс.

Іс-шараның мақсаты – жасөспірімдердің құқықтық сауаттылығын арттыру, полиция қызметінің ерекшеліктерімен таныстыру және құқық бұзушылықтардың, оның ішінде есірткінің заңсыз айналымының алдын алу бағытында түсіндіру жұмыстарын жүргізу.

Кездесу барысында оқушылар Жедел басқару орталығының жұмысымен танысып, заманауи бейнебақылау жүйелері арқылы қоғамдық қауіпсіздікті қамтамасыз ету және құқық бұзушылықтарға жедел ден қою бағытындағы жұмыстарды көрді.

Сонымен қатар оқушылар Полиция департаментінің музейін аралап, ішкі істер органдарының тарихы мен қызметтік дәстүрлері туралы мағлұмат алды.

Ашық есік күні аясында арнайы жасақ қызметкерлері жасөспірімдерге өздерінің қызметтік міндеттері туралы айтып, арнайы құрал-жабдықтары мен қызметтік автокөліктерін таныстырды. Оқушылар мамандарға өздерін қызықтырған сұрақтарын қойды.

Іс-шара соңында жасөспірімдерге заң талаптарын сақтау, есірткіден аулақ болу, интернеттегі қауіптерден сақтану және құқық бұзушылыққа жол бермеу жөнінде профилактикалық кеңестер берілді.

Мұндай кездесулер жасөспірімдердің полиция қызметі туралы түсінігін кеңейтіп, полиция мен өскелең ұрпақ арасындағы өзара байланысты нығайтуға мүмкіндік береді.

Сообщение Қызылордада оқушыларға арналған Ашық есік күні өтті появились сначала на Азаттық ньюс.

Бейнебақылау камералары арқылы мұндай құқық бұзушылықтар күн сайын тіркелуде.

Жедел басқару орталығының бейнебақылау камералары арқылы жергілікті тұрғынның қоғамдық орында темекі тұқылын арнайы белгіленбеген жерге тастағаны анықталды.

Тексеру барысында осы тектес әрекеті үшін оған әкімшілік шара қолданылса да ол еш нәтиже шығармай, бiр жыл iшiнде құқық бұзушылықты қайталап жасаған. Осыған байланысты оның әрекетіне құқықтық баға беріліп, қолданыстағы заңнамаға сәйкес әкімшілік жазаға тартылды. Сот шешімімен құқық бұзушыға айыппұл салынды.

Қоғамдық тәртіп пен тазалықты сақтау – әр тұрғынның міндеті. Құқық бұзушылық анықталған жағдайда кінәлі тұлғалар қолданыстағы заңнамаға сәйкес әкімшілік жауапкершілікке тартылатын болады.

Сообщение Тазалыққа немқұрайлы қараған тұрғынға шара қолданылды появились сначала на Азаттық ньюс.

Жиында отбасындағы жанжалдардың ушығуына жол бермеу, профилактикалық есепте тұрған тұлғалармен жеке жұмыстар жүргізу, тұрмыстық зорлық-зомбылыққа бейім азаматтардың мінез-құлқын бақылауда ұстау мәселелеріне ерекше назар аударылды.

Кеңес қорытындысы бойынша жауапты қызметкерлерге профилактикалық жұмыстарды жүйелі түрде жүргізу, азаматтардың өтініштеріне дер кезінде ден қою және отбасы-тұрмыстық саладағы құқық бұзушылықтардың алдын алуға бағытталған шаралардың тиімділігін арттыру жөнінде нақты тапсырмалар берілді.

Сообщение Қызылорда облысының Полиция департаментінде Департамент бастығының орынбасарлары полиция полковнигі Абдраманов Ермахан Әділханұлының және полиция полковнигі Әлтай Нұрсұлтан Ерланұлының төрағалығымен Жедел кеңес өтті появились сначала на Азаттық ньюс.

Жиын барысында жасөспірімдерге құқық бұзушылық пен қылмыстың алдын алу, қоғамдық тәртіпті сақтау, буллинг пен кибербуллингке жол бермеу, зиянды әдеттерден аулақ болу, интернет желісіндегі қауіпсіздік талаптарын сақтау мәселелері бойынша түсіндіру жұмыстары жүргізілді.

Кездесу кезінде кәмелетке толмағандардың құқықтары мен міндеттеріне де ерекше назар аударылды. Жасөспірімдерге заң талаптарын бұзған жағдайда қолданыстағы заңнамада көзделген жауапкершілік түрлері түсіндіріліп, заңды сақтау мен құқықтық тәртіпті құрметтеудің маңыздылығы айтылды.

Сонымен қатар, балаларға өздері немесе қатарластары кез келген келеңсіз жағдайға тап болған кезде оған бейжай қарамай, дер кезінде ата-анасына, педагогтерге немесе тиісті мамандарға хабарласу қажеттігі түсіндірілді.

Профилактикалық жиын барысында жасөспірімдер өздерін қызықтырған сұрақтарын қойып, мамандардан тиісті жауаптар алды.

Мұндай профилактикалық іс-шаралар жасөспірімдердің құқықтық сауаттылығын арттырып, қауіпсіз орта қалыптастыруға, заң талаптарын құрметтеуге және «Заң мен тәртіп» қағидатын берік ұстануға бағытталған.

Сообщение Заң мен тәртіп: жасөспірімдер арасында профилактикалық жиын өтті появились сначала на Азаттық ньюс.

Тұрғын үй ауласында екі жас жігіт темекі шегіп, артынан темекі тұқылдарын жерге тастаған. Олар бұл әрекеттеріне аса мән бермеген болуы мүмкін. Бірақ ауладағы бейнебақылау камерасы бәрін таспаға түсіріп тұрды.

Жедел басқару орталығының қызметкерлері құқық бұзушылықты байқап, ақпаратты полиция қызметкерлеріне жеткізді. Тәртіп сақшылары тиісті шара қабылдап, екі азаматты полиция бөліміне жеткізді.

Азаматтардың әрекетіне заң талаптарына сәйкес құқықтық баға беріліп, сот шешімімен екі құқық бұзушыға айыппұл салынды.

Бұл оқиға – қоғамдық тәртіптің бүгінгі таңда тек полиция қызметкерлерінің бақылауында ғана емес, заманауи бейнебақылау жүйесінің де назарында екенін көрсетеді. Әсіресе тұрғын үй аулалары – балалар ойнайтын, үлкендер демалатын ортақ орын. Мұндай жерлердің тазалығы мен қауіпсіздігіне әр тұрғын жауапкершілікпен қарауы тиіс.

Бір қарағанда жерге тасталған темекі тұқылы ұсақ нәрсе сияқты. Бірақ қоғамдық мәдениет дәл осындай ұсақ әрекеттерден қалыптасады. Қоқысты арнайы жәшікке тастау, айналаны ластамау, ортақ мүлікке ұқыпты қарау – өркениетті қоғамның қарапайым қағидалары.

Екі жас жігіт үшін бұл оқиға айыппұлмен аяқталды. Ал өзгелер үшін бұл жағдай сабақ болуы тиіс.

Сообщение Бір тал темекі тұқылы – үлкен жауапкершілік появились сначала на Азаттық ньюс.