Мекеме директоры жүйке-жүйесінде ауытқуы бар адамды жұмысқа салған, деп хабарлайды “Азаттық-Ньюс” Ақпараттық агенттігі.

Аталмыш заңсыздық Абай облысында орын алған. 

Облыстық прокуратураның мәліметіне сүйенсек, №1 Семей арнайы қызмет көрсету орталығы директорының қамқорлығындағы психикалық дертке шалдыққан 4 адамды шаруа қожалығында құрылыс жұмыстарына жегу фактісі анықталған.

Қылмыстық істі облыс прокуратурасының сотқа дейінгі тергеп-тексеру басқармасы ҚР ҚК-нің 128-бабы 2-бөлігінің 6,9,11-тармақтары («Адам саудасы») бойынша тергеген.

Қазір іс сотқа жолданды.

“Сонымен қатар мекеме әкімшілігі мен қызметкерлері техникалық қызметкерлердің орнына қамқорлықтағыларды пайдаланып, үй-жайды тазалауға, тамақ дайындауға мәжбүрлеп, әрекетке қабілетсіз адамдарды заңсыз әрекеттерге тартып, есепшоттарынан жәрдемақыларын жымқырған”, – дейді облыс прокурорлары.